میرپور خاص:ایم کیو ایم کے زیراہتمام سانحہ 30 ستمبر شہداء حیدرآبادکے ایصال ثواب کیلئے قرآن خوانی

میرپور خاص، باغی ٹی وی( نامہ نگار سید شاہزیب شاہ کی رپورٹ )ایم کیو ایم میرپورخاص ڈسٹرکٹ کے زیراہتمام سانحہ 30 ستمبر شہداء حیدرآباد کے ایصال ثواب کیلیئے قرآن خوانی و فاتحہ خوانی کی گئی۔ جس میں رکن رابطہ کمیٹی ڈاکٹر ظفر احمد کمالی،انچارج STC سلیم رزاق،اراکین STC شفیق احمد،جاوید آرائیں،ڈسٹرکٹ انچارج خالد تبسم،جوائنٹ ڈسٹرکٹ انچارجز،اراکین ڈسٹرکٹ کمیٹی،منتخب بلدیاتی نمائندے،یوسیز کے ذمہ داران اور کارکنان موجود تھے۔
اس موقع پر سانحہ 30ستمبر کے شہداء کے ایصال ثواب و بلند درجات۔تحریک کی سربلندی اور ملکی استحکام کیلیئے خصوصی دعائیں مانگی گئیں،

یاد رہے کہ سانحہ 30 ستمبر 1988 حیدرآباد پاکستان کی تاریخ کا نہایت افسوسناک واقعہ ہے، آج سے 35سال قبل حیدرآباد اور لطیف آباد سمیت دیگر مقامات پر جس طرح قوم پرست جماعتوں کے دہشت گردوں نے اسسلحہ سے لیس ہوکر مہاجر آبادیوں میں قتل و غارت گری کی تھی جس کے نتیجے میں سینکڑوں مرد و خواتین اور بچوں کو بڑی بے دردی کے ساتھ شہید اور سینکڑوں کو زخمی کیا گیا تھا جو آج بھی معزوری کی زندگی گزار رہے ہیں ،یہ سانحہ درندگی کی بدترین مثال ہے