دھرم شالا: آئی سی سی کرکٹ ورلڈکپ کے ساتویں میچ میں بنگلادیش کے کپتان شکیب الحسن نے ٹاس جیت کر انگلینڈ کو پہلے بیٹنگ کی دعوت دی ،انگلینڈ نے شاندار بیٹنگ کرتے ہوئے بنگلہ دیش کو جیت کے لئے بڑا ہدف دے دیا-
باغی ٹی وی:یہ میچ بھارت کے دھرم شالا اسٹیڈیم میں کھیلا جا رہا ہے،انگلینڈ نے 9 وکٹوں کے نقصان پر 50 اوورز میں 364 رنز بنائے ، بنگلادیش کے خلاف انگلینڈ کی پہلی وکٹ 115 رنز پر گری، انگلینڈ کی جانب سے اوپننگ بیٹسمین ڈیوڈ میلان اور جونی بیرسٹو نے ٹیم کو اچھا آغاز کیا تاہم جونی بیرسٹو 59 گیندوں پر 8 چوکوں کی مدد سے 52 رنز کی شاندار اننگز کھیلی لیکن اس کے بعد بنگلادیشی کپتان شکیب الحسن کا شکار ہوگئے۔
https://x.com/ESPNcricinfo/status/1711603059833626964?s=20
دوسری وکٹ کی شراکت میں ڈیوڈ ملان اور جو روٹ نے 151 رنز کی پارٹنرشپ قائم کی تاہم ملان 16 چوکے اور 5 چھکے کی مدد سے 140 کی اننگز کھیل کر آؤٹ ہوئے،کپتان جوز بٹلر 20، جو روٹ 82، لیام لیونگسٹون صفر پر پویلین لوٹے-
بنگلادیش کی جانب سے شوریف اسلام نے 2 جبکہ شکیب الحسن اور مہدی حسن نے ایک ایک وکٹ حاصل کی۔
آج کے میچ کیلئے دونوں ٹیموں میں ایک ایک تبدیلی کی گئی، انگلش ٹیم میں معین علی کو بٹھا کر ریس ٹوپلے جبکہ بنگلایش کی ٹیم میں محمد اللہ کو آرام دیتے ہوئے مہدی حسن کوٹیم میں شامل کیا گیا ہے۔
بھارتی ٹیم کا اہم کھلاڑی اسپتال داخل،پاکستان کیخلاف میچ میں شرکت مشکوک
آئی سی سی نے پلیئر آف دی منتھ کی نامزدگیوں کا اعلان کر دیا
نیوزی لینڈ نے نیدر لینڈز کو 99 رنز سے شکست دے دی
بنگلادیش کا اسکواڈ:
کپتان شکیب الحسن، لٹن داس، تنزید حسن، نجم الحسن شانتو، مہیدی حسن میراز، مشفق الرحیم، توحید ہردوئے، مہدی حسن، تسکین احمد، شوریف اسلام، مستفیض الرحمان
انگلینڈ کا اسکواڈ:
کپتان جوز بٹلر، جونی بیرسٹو، ڈیوڈ ملان، جو روٹ، ہیری بروک، لیام لیونگسٹون، سیم کرن، کرس ووکس، مارک ووڈ، عادل رشید، ریس ٹوپلی
واضح رہے کہ دھرم شالا میں کھیلے جانے والے پہلے میچ میں افغانستان اور بنگلا دیش کے کھلاڑیوں کو مشکلات پیش آئی تھیں، آؤٹ فیلڈ کی وجہ سے کھلاڑی سنجیدہ انجری سے بال بال بچے تھے۔
