نگران وزیراعظم ، نگران وزیراعلیٰ پنجاب لاہور ہائیکورٹ میں طلب

لاہور ہائیکورٹ: قرآن پاک کے ترجمے میں تحریف اور قرآن بورڈ کی اجازت کے بغیر چھاپنے کے خلاف درخواستوں پر سماعت ہوئی

عدالت نے درخواستوں پر سماعت 18دسمبر تک ملتوی کردی،عدالت نے اگلی سماعت پر نگران وزیراعظم اور نگراں وزیر اعلی کو ذاتی حیثیت میں طلب کر لیا ،عدالت نے پرنسپل سیکرٹری ٹو وزیر اعظم ۔اٹارنی جنرل اف پاکستان اور ایڈووکیٹ جنرل پنجاب کو عدالتی حکم پر عمل درآمد کی ہدایت کر دی ،جسٹس شجاعت علی خان نے مختلف درخواستوں پر سماعت کا تحریری فیصلہ جاری کر دیا،

گزشتہ روز وفاقی حکومت کی جانب سے اٹارنی آفس نے رپورٹ عدالت میں جمع کروا دی تھی،رپورٹ میں کہا گیا تھا کہ وزیراعظم سرکاری دورے پر ہیں ،عدالتی حکم پر من و عن عملدرآمد ہوگا،ایڈووکیٹ آفس کی جانب سے پنجاب حکومت کی رپورٹ عدالت جمع کروائی گئی جس میں کہا کہ وزیراعظم اور وزیراعلی پنجاب نے ملکر کمیٹی بنائی ہے،کمیٹی ہر پندرہ دن بعد اٹارنی جنرل آفس اور ایڈووکیٹ آفس میں رپورٹ جمع کروائے گی ،عدالتی احکامات پر عملدرآمد ہوگا ،

عدالت نے وزیراعظم اور وزیراعلی پنجاب کو قرآن مجید سے متعلق عدالت پیش ہوکر پالیسی بیان دینے کی ہدایت کررکھی ہے

 یہ کیس آپ کا ہے نہ عدالت کا،یہ ہم سب کا کیس ہے