کوٹ مبارک:بی ایچ یو میں ایل ایچ وی کی مبینہ غفلت و لاپرواہی زچہ و بچہ جاں بحق

کوٹ مبارک،باغی ٹی وی ( نامہ نگار امداداللہ تھہیم)بنیادی مرکز صحت کوٹ مبارک میں ایل ایچ وی کی مبینہ غفلت و لاپرواہی زچہ و بچہ جاں بحق،ورثاء کا کارروائی کامطالبہ

تفصیل کے مطابق بنیادی مرکز صحت کوٹ مبارک میں ایل ایچ وی شہلا نامی کی نااہلی لاپرواہی کی وجہ سے چک نوآباد ریبڑی کی رہائشی زچہ اور بچہ نے تڑپ تڑپ کر جان دے دی ۔ حاملہ خاتون ( الف) ڈیلیوری ہونے کے بعد عورت خون سے لت پت ہوگئی ۔ اور بچی کی پیدائش بھی ہوگئی تھی ۔
ایل ایچ وی شہلامائی خون نہ روک سکی اورخون زیادہ بہتا گیا ، ہسپتال کا کمرہ بھی خون سے بھر گیا اور شہلا نے کہا کہ اب میری ڈیوٹی نہیں ہے میرا واسطہ نہیں ہے جہاں جانا ہے جاؤ اور بہانہ بنا کر تقریباََ 12 بجے دن کے بعد گھر چلی گئی زچہ اور ننھی بچی کو بے یار و مدد گار چھوڑ کر نکل گئی ۔

دونوں ماں بیٹی یعنی زچہ اور پیدا ہونے والی معصوم بچی ہسپتال میں تڑپتی رہیں اور خون ضائع ہوتا رہا ،حالانکہ پیدائش کی بعد بچی بھی ٹھیک سے سانسیں لے رہی تھی ۔مگر ظالم اورنااہل ایل ایچ وی نے پرواہ نہ کی۔

حالانکہ ڈیوٹی کا وقت دن 2بجے تک ہوتا ہے اور پھر جب تک مریض کی حالت ٹھیک نہ ہو وہ گھر کیسے جاسکتی تھی،ایل ایچ وی کی مبینہ غفلت سے جاں بحق ہونے والی خاتون کے شوہر نے بارہا کہا مگر ایل ایچ وی نے ایک نہ سنی اور نہ ایمبولینس مگوائی اور نہ ان کا ساتھ دیا ۔
اور ایل ایچ وی کی وجہ سے 2 انسان موت کے منہ میں چلے گئے

جاں بحق ہونے والی زچہ و بچہ کے وارثان شوہر عاشق ،یوسف خان قوم حجانی و دیگر نے وزیر اعلی پنجاب ،سیکرٹری ہیلتھ ،اور سی او ہیلتھ ڈیرہ سے متعلقہ نااہل و ظالم قاتل ایل ایل ایچ ؤی شہلاء کے خلاف فوری کارروائی کامطالبہ کیا ہے اورکہا ہے کہ ہمیں انصاف دیں ۔