سابق صوبائی وزیر تیمور سلیم جھگڑا کے گھر پر چھاپہ

پشاور: اینٹی کرپشن خیبر پختونخوا نے پی ٹی آئی کے رہنما اور سابق صوبائی وزیر تیمور سلیم جھگڑا کے گھر پر چھاپہ مارا ہے۔

باغی ٹی وی: تفصیلات کے مطابق اینٹی کرپشن نے تیمور سلیم جھگڑا کے اسلام آباد والے گھر پر چھاپہ مارا،تیمور سلیم جھگڑا گھر پر موجود نہیں تھے گرفتار نہیں ہو سکے-

قبل ازیں رواں سال 3 جون کو بھی پشاور میں تیمور سلیم جھگڑا کے گھر پر پولیس نے چھاپہ مارا تھا پی ٹی آئی رہنما تیمور سلیم جھگڑا کے چمکنی میں واقع آبائی گھر پر گزشتہ شب پولیس کی جانب سے چھاپہ مارا گیا، تاہم وہ گھر پر موجود نہیں تھےپولیس کا کہنا تھا کہ تیمور سلیم جھگڑا کے خلاف دہشت گردی سمیت دیگر دفعات کے تحت مقدمہ درج ہےپی ٹی آئی رہنما تیمور سلیم جھگڑا کا کہنا تھا کہ پولیس نے میرے گھر پر چھاپہ مارا ہے، پولیس روایات سے ہٹ کر کام کر رہی ہے-

فخر زمان نے شاہد آفریدی کا قومی ریکارڈ برابر کردیا

واضح رہے کہ گزشتہ روز اینٹی کرپشن خیبر پختونخوا نے سابق سپیکر قومی اسمبلی اور پی ٹی آئی کے رہنما اسد قیصر کو بھی اسلام آباد سے گرفتار کیا تھااسد قیصر کے بھائی نے ویڈیو بیان میں کہا کہ اسد قیصر کو ان کی رہائش گاہ سے گرفتارکیا،اسد قیصر گھر پر تھےجب پولیس اورسادہ لباس اہلکار گھر آئے اور سادہ لباس اہلکار اسد قیصر کو گرفتار کرکے لے گئے ہیں۔

میانوالی ائیر بیس پر دہشتگردوں کے حملے کو ناکام بنانے پر بہادر فوج کو …

دوسری جانب ڈی جی اینٹی کرپشن خیبر پختونخوا نے بھی اسد قیصر کی گرفتاری کی تصدیق کردی ہےڈی جی اینٹی کرپشن کے پی نے ہیڈ آف ہم انویسٹی گیشن ٹیم سے گفتگو کرتے ہوئے کہا کہ اسد قیصر کو مبینہ کرپشن کیس میں حراست میں لیا،اسدقیصر کو تھانہ بنی گالہ منتقل کر دیا گیا ہے،ایف آئی آر محکمہ اینٹی کرپشن کے سابق تفتیشی آفیسر ہدایت شاہ کی مدعیت میں درج کی گئی ہے،ایف آئی آر میں 406 پی پی سی سمیت تین دفعات شامل ہیں۔

سانحہ نو مئی،شاہ محمود قریشی نے بیان ریکارڈ کرا دیا

ایف آئی آر کے متن کے مطابق اطلاع ملی تھی کہ گجوخان میڈیکل کالج صوابی میں الیکٹرو میگرافی مشین کی سی پی یو غائب کی گئی ہے، اسپتال کے لیے ناقص فرنیچر کی خریداری کی بھی اطلاع ملی تھی۔معاملہ کی تحقیقات میں اسد قیصر سمیت پانچ ملزمان قصوروار پائے گئے اسد قیصر سمیت پانچ ملزمان نے سرکاری خزانے کو 1 کروڑ 64 لاکھ 56 ہزار روپے کا نقصان پہنچایا ہے۔

پیپلز پارٹی ملک بھر میں موثر انتخابی مہم اور بہترین منشور کے ساتھ میدان میں …