ننکانہ :نور الایمان اسکول میں اقبال ڈے کے حوالہ سے شاندار تقریب منعقد ہوئی

ننکانہ صاحب ،باغی ٹی وی( نامہ نگار احسان اللہ ایاز )نور الایمان اسکول ننکانہ صاحب میں اقبال ڈے کے حوالے سے شاندار تقریب کا انعقاد کیا گیاتقریب کے مہمان خصوصی سر نوید، پرنسپل میڈم مصباح مس عمارہ,اور اسکول کےاسٹاف نے شرکت کی

تقریب کا اغاز کلام پاک سے شروع ہوا کلام پاک کے بعد تقاریر شعر و شاعری کا مقابلہ ہواجس میں بازل ایاز ،ایمان عادل،ملائکہ اور ماہ نور ایاز نے اپنی اپنی تقاریر کے ذریعے شاعر مشرق اور مفکر اسلام ڈاکٹر علامہ محمد اقبال کو خراج تحسین پیش کیا اور طلبہ کو اقبال کے پیغام خودی کو سمجھنے کی اہمیت پر زور دیا

سکول پرنسپل مصباح چوہدری نے اپنے خطاب میں کہا کہ آج اس دور میں ہمیں جن مختلف دشواریوں کا سامنا ہے یہ تقاضا ماضی کی نسبت کہیں زیادہ بڑھ گیا ہے ہم اقبال کا تذکرہ صرف رسمی حد تک محدود نہ رکھیں بلکہ فکر اقبال کو اپنی قومی نظام تعلیم و تربیت کا عملی حصہ بنائیں

علامہ اقبال کے نزدیک نوجوان قوم کے لیے سرمایہ افتخار اور لازمی جزو ہیں عصر حاضر میں نوجوانوں کے کردار کو کسی صورت میں نظر انداز نہیں کیا جا سکتا ،قوموں کے عروج و زوال کی داستان نوجوانوں کے کردار کی ہی مرہون منت ہوا کرتی ہیں

وہ اپنی نوجوان نسل کو خود ہی مضبوط بنانے کی تلقین کرتے ہیں علامہ اقبال کی قومی و ملی خدمات کو بھرپور خراج تحسین پیش کرتے ہیں آخر میں انہوں نے کہا ڈاکٹر علامہ اقبال جیسے دانشور لیڈر صدیوں میں پیدا ہوتے ہیں