کراچی: وفاقی تحقیقاتی ایجنسی (ایف آئی اے) نے ایک کارروائی میں 3 ملزمان گرفتار کرکے لاکھوں مالیت کی ملکی و غیر ملکی کرنسی برآمد کرلی۔
باغی ٹی وی : ایف آئی اے حکام کے مطابق ایف آئی اے کے بینکنگ سرکل کراچی نے جمشید ٹاؤن میں غیر قانونی کرنسی ایکسچینج کےخلاف کارروائی کی ،گرفتار ملزمان حوالہ ہنڈی اور کرنسی کی غیر قانونی ایکسچینج میں ملوث تھے،گرفتار ملزمان بغیر لائسنس غیر ملکی کرنسی ایکسچینج کا کاروبار کر رہے تھے، گرفتار ملزمان میں محمد آصف، حافظ فہیم اور عمران عدمانی شامل ہیں، ملزمان سے 1 کروڑ ایرانی ریال، 8 ہزار 946 سعودی ریال، 1280 یواے ای درہم، اور امانی ریال،کینیڈین ڈالر اور 7 لاکھ سے زائد پاکستانی روپے بھی برآمد ہوئے، ملزمان کو گرفتار کرکے تفتیش کا آغاز کر دیا گیا ہے اور دیگر ملزمان کی گرفتاری کے لیے چھاپے مارے جا رہے ہیں۔
پیپلزپارٹی کے رہنماؤں اور کارکنان کو عام انتخابات کے لئے تیاریوں کی ہدایت
https://x.com/FIA_Agency/status/1722642779061518572?s=20
ایف آئی اے ملتان زون نے کارروائی کی،ڈپٹی ڈائریکٹر ایف آئی اے کمپوزٹ سرکل ملتان خواجہ حمود الرحمن کی ہدایت پر غیر قانونی انٹرنیٹ سروس فراہم کرنے والے عناصر کے خلاف چھاپہ مار کاروائی،ملزم میاں چنوں، خانیوال سے گرفتار،ملزم کے خلاف کاروائی پی ٹی اے حکام کی درخواست پر کی گئی۔
https://x.com/FIA_Agency/status/1722643566617657642?s=20
اینٹی ہیومن ٹریفکنگ سرکل لاہور کی کارروائیاں،ڈائریکٹر ایف آئی اے لاہور زون سرفراز ورک کی ہدایت پر انسانی سمگلنگ ملوث 2 عدالتی مفرور گرفتار۔1 ملزم سال 2020 جبکہ دوسرا ملزم رواں سال سے مفرور تھا۔ملزمان شہریوں کو غیر قانونی طور پر بیرون ملک بھجوانے میں ملوث تھے۔
https://x.com/FIA_Agency/status/1722643791818162461?s=20
ایف آئی اے اینٹی ہیومن ٹریفکنگ سرکل راولپنڈی کی کارروائی،ڈپٹی ڈائریکٹر کامران عامر خان کی زیرنگرانی چھاپہ مار ٹیم نے بدنامے زمانہ انسانی سمگلر گرفتار کر لیا، ملزم نے متعدد متاثرین سے بیرون ملک جاپان ملازمت کا جھانسہ دے کر لاکھوں روپے بٹورے اور فی کس 11 سے 15 لاکھ روپے وصول کئے۔
شاہد خاقان نے این اے 51 سے آزاد حیثیت میں الیکشن لڑنے کا عندیہ دے …
https://x.com/FIA_Agency/status/1722644128423616869?s=20
ایف آئی اے EGOA یونٹ اسلام آباد کی کاروائی کی، گیس چوری میں ملوث ملزم رنگے ہاتھوں گرفتار۔ملزم سوئی ناردرن گیس پرائیویٹ لمیٹڈ کمپنی کے ملازمین کی ملی بھگت سے گیس چوری میں ملوث تھا۔ملزم نے سوئی ناردن کی پائپ لائن سے اپنے ہوٹل کے لئے ڈائریکٹ کنکشن لگایا ہوا تھا۔
https://x.com/FIA_Agency/status/1722644416928874775?s=20
ایف آئی اے پشاور زون کی کارروائیاں، ڈائریکٹر پشاور زون نثار تنولی کی ہدایت پر حوالہ ہنڈی اور غیر قانونی کرنسی ایکسچینج میں ملوث 3 ملزمان گرفتار۔ملزمان سے مجموعی طور پر 57 لاکھ 80 ہزار پاکستانی روپے برآمد۔ملزمان سے ہنڈی حوالہ سے متعلق ریکارڈ بھی برآمد۔
https://x.com/FIA_Agency/status/1722644655509217773?s=20
مزید 6 اضلاع کے ماحولیاتی نمونوں میں پولیو وائرس کی تصدیق
ایف آئی اے کمپوزیٹ سرکل فیصل آباد اور سرگودھا کی کاروائیاں، ایف آئی اے فیصل آباد زون نے حوالہ ہنڈی میں ملوث 3 ملزمان گرفتار کر لیے۔ملزمان غیر قانونی طور پر پرائز بانڈ کی خریدوفروخت میں بھی ملوث تھے۔ملزمان سے متعدد ڈیبٹ کارڈز،موبائل فونز اور لاکھوں مالیت کی کرنسی برآمد۔
https://x.com/FIA_Agency/status/1722646949529338054?s=20
ایف آئی اے اینٹی کرپشن سرکل اسلام آباد کی کاروائی، سپریم کورٹ آف پاکستان کے احکامات کی روشنی میں کہوٹہ میں واقع متروکہ وقف املاک بورڈ کی پراپرٹی وگزار کرائی گئی۔15 کنال کی ریزیڈنشنل و کمرشل پراپرٹی واگزار کروائی گئی۔وگزار کرائی گئی پراپرٹی کی مالیت 35 کروڑ روپے سے زائد ہے-