![Imran Khan NAB](https://baaghitv.com/wp-content/uploads/2023/08/Screenshot-2023-08-15-at-20-46-53-NAB-summons-Imran-Khan-in-Toshakhana-reference-on-March-9.png)
190 ملین پاؤنڈ اسکینڈل میں نیب نے چیئرمین پاکستان تحریک انصاف سے آج بھی تفتیش کی گئی ،نیب ٹیم نے عدالتی احکامات پر 15 نومبر کو جیل میں تفتیش کا آغاز کیا تھا، آج بھی نیب کی ٹیم تفتیش کیلئے جیل پہنچی تھی۔ جیل ذرائع کا کہنا ہے کہ اڈیالہ جیل میں نیب کی تین رکنی ٹیم نے چیئرمین پی ٹی آئی سے ڈھائی گھنٹے تک تفتیش کی۔نیب کی ٹیم تفتیش کرکے واپس روانہ ہوگئی۔
یاد رہے کہ اڈیالہ جیل میں احتساب عدالت کے جج محمد بشیر نے القادر ٹرسٹ اور 190 ملین پاؤنڈ کیس کی سماعت کرتے ہوئے نیب کو چیئرمین پی ٹی آئی سے جیل میں تفتیش کی اجازت دی۔
عدالت نے بشریٰ بی بی کی عبوری ضمانت میں 21 نومبر تک توسیع کر دی اور کیس کی سماعت بھی اسی روز تک ملتوی کر دی۔