ڈی آئی خان :شادی نہ ہونے پر کنوارہ نوجوان تھانے پہنچ گیا

ڈیرہ اسماعیل خان،باغی ٹی وی (نامہ نگاراحمدنوازمغل)شادی نہ ہونے پر مایوس نوجوان تھانہ پہنچ گیا ،والدین کے خلاف تھانہ میں درخواست دائر ،پولیس نے درخواست پر کارروائی شروع کردی ۔

تفصیلات کے مطابق علاقہ پنیالہ کے گاﺅں کٹہ خیل کے 32 سالہ نوجوان نے تھانہ پنیالہ میں درخواست دی کہ 2 دسمبر سال 2021 میں میرا نکاح طے ہوچکا ہے لیکن ابھی تک رخصتی وشادی نہیں ہوئی اور میں تاحال کنوارہ ہوں ،

میں اپنے کنوارے پن سے سخت تنگ ہوں ،بار بار والدین سے التجا کرچکا ہوں کہ میری شادی کروائیں لیکن وہ ٹس سے مس تک نہیں ہوتے ۔

انہیں میری بالکل پروانہیں ہے نہ وہ میری شادی کا کوئی ارادہ رکھتے ہیں جس کی وجہ سے میں ذہنی ڈپریشن کا مریض بنتا جارہا ہوں

لہذا پولیس میرے والدین کو میری شادی کے لئے قائل کرے اور میری داد رسی کی جائے ۔پولیس نے نوجوان کی درخواست پر کاروائی شروع کردی ہے ۔