سرگودہا،باغی ٹی وی (نامہ نگارشاہنوازجالپ)تحصیل آفس کے عقب میں موجود وکلا کے چیمبر کے اوپر پڑی سر کٹی لاش برآمد ہوئی ہے
عینی شاہدین کی جانب سے بتایا جا رہا ہے کہ کرنٹ لگنے کی وجہ سے اس شخص کی ہلاکت ہوئی
عینی شاہدین کے مطابق یہ شخص رات گئے ممکنہ طور پر سولر پلیٹس اتارنے کی نیت سے آیا اندھیرے کی وجہ سے جا کے بجلی کی مین تاروں سے جا لگا، لیکن یہ صرف ایک اندازہ ہی ہے کیونکہ رات کے وقت چھت پر ایسے جانے کی وجہ سمجھ سے باہر ہے۔
مین تاروں میں لگنے کی وجہ سے ممکنہ طور پر اسکا سر تن سے جدا ہو گیا، جس سے اسکی موت واقع ہوگئی۔
عینی شاہدین کے مطابق رات کو چیمبرز کے اوپر آگ لگنے کا چوکیدار نے بتایا لیکن اس کی بات کو کسی نے اہمیت نہ دی،جب اگلے دن چیمبر کا کوئی بندہ 3 بجے کے قریب اوپر گیا تو دیکھا کہ یہ شخص وہاں پڑا ہوا تھا۔
اس طرح کے پرسرار موت سے کچہری بھر میں لوگوں میں خوف وہراس کی فضا ہے
