عوام ووٹ کی طاقت سے فرسودہ نظام سےجان چھڑاسکتے ہیں،سراج الحق

امیر جماعت اسلامی نے یہ بھی کہا کہ فلسطین میں مائیں بہنیں بیٹیاں ہمارے انتظار میں ہیں اور ہمارے حکمران میر جعفر اور میر صادق بنے ہوئے ہیں۔ انہوں نے کہا کہ فلسطینی بچے شہید ہوتے رہے، مسلم حکمرانوں نے عملی اقدامات نہ کیے، پاکستانی حکمرانوں نے بھی بے جان لفظی مذمت پر اکتفا کیا، ہمیں محمد بن قاسم بن کر مظلوموں کا ساتھ دینا ہوگا۔ سراج الحق نے کہا کہ اداروں کو مسترد کرنے والوں کو عوام مسترد کردیں، عوام ووٹ کی طاقت سے فرسودہ نظام سےجان چھڑاسکتے ہیں، عوام ہی وڈیرہ شاہی کو ختم کرسکتی ہے .چینیوٹ میں جلسے سے خطاب میں سراج الحق نے کہا کہ 46 دن میں پیپلز پارٹی اور ن لیگ نے فلسطین پر کوئی جلسہ یا احتجاج نہیں کیا۔ انہوں نے کہا کہ ن لیگ اور پی پی قیادت کو پتا ہے کہ اگر انہوں نے فلسطین پر احتجاج کیا تو امریکا ناراض ہوجائے گا۔ اہل فلسطین کیخلاف اسرائیل کا امریکا سمیت تمام یہودی طاقتیں ساتھ دے رہی ہیں۔ اُن کا کہنا تھا کہ روسی صدر ولادیمیر پیوٹن فلسطین مسئلے پر رو رہے ہیں لیکن ہمارے حکمرانوں کے دل پتھر کے ہیں۔ن لیگ اور پی پی قیادت کو پتا ہے کہ اگر انہوں نے فلسطین پر احتجاج کیا تو امریکا ناراض ہوجائے گا۔ اہل فلسطین کے خلاف اسرائیل کا امریکا سمیت تمام یہودی طاقتیں ساتھ دے رہی ہیں۔