اسلام آباد: جنرل حمید گل (ر) کے صاحبزادے اور چئیرمین تحریک جوانان عبداللہ گل کا کہنا ہے کہ چیف آف آرمی سٹاف جنرل عاصم منیر نے اس بات کو ثابت کیا کہ اگر آپکی نیت صاف اور عزم بلند ہو تو آپ ایک سال کے قلیل عرصہ میں بھی ملک کو ترقی کی راہ پر گامزن کرسکتے ہیں۔
باغی ٹی وی : عبداللہ گل نے جنرل عاصم گل کے بطور آرمی چیف ایک سال مکمل ہونے پر خراج تحسین پیش کیا سوشل میڈیا پر جاری بیان میں کہا کہ حافظ آ گیا، حافظ چھا گیا جنرل حافظ سید عاصم منیر کا بطور آرمی چیف ایک سال ،مایوسی سے امید کا سفر-
انہوں نے کہا کہ گزشتہ سال 29 نومبر کو جنرل عاصم منیر نے جب پاک فوج کی بطور آرمی چیف کمان سنبھالی تو اس وقت پاکستان کو سیکیورٹی مسائل سمیت، معیشت، سیاسی عدم استحکام اور امن و امان کی صورتحال کا سامنا تھا،گزشتہ حکومت کی پالیسیز اور سیاسی ترجیحات کے باعث ایک طرف ملک معاشی طور پر دیوالیہ ہونے کے قریب تھا اور دوسری طرف دہشت گردی کے واقعات میں بھی دن بدن اضافہ دیکھنے کو مل رہا تھا۔
پی ٹی آئی کی انٹرا پارٹی انتخابات میں عمران خان کے حصہ نہ لینے …
https://x.com/MAbdullahGul/status/1729510789113860400?s=20
اس تمام صورتحال کے پیشِ نظر آرمی چیف جنرل عاصم منیر نے جس دانشمندی، فہم و فراست اور اپنی پیشہ ورانہ صلاحیتوں کو بروئے کار لاتے ہوئے محظ ایک سال کے قلیل عرصے میں نگران حکومت کے شانہ بشانہ ملک کی ترقی کے لئے کوشاں ہیں انہوں نے دہشت گردوں کیخلاف کاروائیاں تیز کیں، اپنے ادارے میں احتساب کے عمل کو مثال بنایا، مافیاز کیخلاف کریک ڈاؤن کیا، غیر قانونی افغان مہاجرین کے انخلاء کو یقینی بنایا، بین الاقوامی سرحد پر سمگلنگ کا خاتمہ کیا، سول حکومت کیساتھ مل کر زراعت میں جدت لائے، بیرون ممالک سے سرمایہ کاری کو فروغ دینے کے لیے SIFC کو قائم کیا، دوست ممالک سے سفارتی تعلقات کو بہتر کیا-
پیپلزپارٹی کے رہنما کا پرویز خٹک کی پارٹی میں شمولیت …
انہوں نے کہا کہ ایسے تاریخی اقدامات کی مثال پاکستان کی تاریخ میں نہیں ملتی اور *جنرل عاصم منیر نے اس بات کو ثابت کیا کہ اگر آپکی نیت صاف اور عزم بلند ہو تو آپ ایک سال کے قلیل عرصہ میں بھی ملک کو ترقی کی راہ پر گامزن کرسکتے ہیں، آرمی چیف جنرل عاصم منیر اور نگران حکومت کے مشترکہ اقدامات ہی کا یہ نتیجہ ہے کہ ڈالر کا ریٹ 308 سے 286 پر پہنچ گیا، سٹاک ایکسچینج ہنڈرڈ انڈیکس میں 368 پوائنٹس کا اضافہ ہوا، چینی کی قیمت میں 230 روپے کلو سے 140 روپے فی کلو تک آگئی، پیٹرولیم مصنوعات کی قیمتوں میں ریکارڈ یک مشت 30 روپے کی کمی دیکھنے کو ملی، کسان کو کھاد آسان نرخ میں دستیاب ہورہی ہے-
پی ٹی آئی کے سابق رکن اسمبلی لاہور سے گرفتار
عبداللہ گل نے کہا کہ سیاسی اور معاشی استحکام کے سفر کے آغاز سمیت بین الاقوامی سطح پر پاکستان کا بہتر تشخص ابھر کر سامنے آیا، اس ایک سال میں پاکستان نے ترقی کے وہ اہداف عبور کیے جسکا پاکستانی تصور بھی نہیں کرتے تھے بلکہ یہ سب انہیں صرف سیاسی جلسوں اور نعروں ہی میں سننے کو ملتا تھا۔
چئیرمین تحریک جوانان نے مزید کہا کہ آج پوری قوم اپنے سپہ سالار کو سلام پیش کرتی ہے کامیابی اور ترقی کے ایک سال پورا ہونے پر اللہ کا شکر ادا کرتی ہے اور اس بات پر فخر کرتی ہے کہ ہمیں حافظ سید عاصم منیر جیسا سپہ سالار عطا ہوا جو نا صرف جغرافیائی سرحدوں بلکہ نظریاتی اور معاشی سرحدوں کی حفاظت کا عزم لیے ہوئے ہے۔