سرگودھا۔اسلحہ سے بھری ہائی ایس وین پکڑی گئی ، 6ملزمان گرفتار

سرگودھ،باغی ٹی وی (نامہ نگار ملک شاہنواز جالپ کی رپورٹ )اسلحہ سے بھری ہائی ایس وین پکڑی گئی ، 6ملزمان گرفتار
تفصیل کے مطابق سرگودھا پولیس نے اسلحہ سے بھری ہائی ایس وین پکڑ لی ہے اور 6ملزمان کوبھی گرفتارکرلیا ہے،پولیس ترجمان کے مطابق ملزمان پنجاب کے مختلف اضلاع میں اسلحہ سمگل کرنے کی کوشش کر رہے تھے ،

سیال موٹر مڈھ رانجھا روڈ پر پولیس ناکہ بندی کے دوران مشکوک ہائی ایس وین کو روکا گیا ،،وین کی تلاشی لینے پر بھاری مقدار میں جدید اسلحہ کی کھیب برآمد کرلی گئی ،

برآمد ہونے والے اسلحہ میں 12 کلاشنکوف، 20 پسٹل 9 ایم ایم ، 10پسٹل 30 بور، 9بندوق 12 بور، 4پسٹل 44بور،4پسٹل 223بور ، 3پسٹل 30بور اور ایک رائفل بھی برآمد کی گئیں

ان کے علاوہ 3ہزار 920 گولیاں اور 155 میگزین برآمدہوئے، گرفتار ملزمان کا تعلق خیبرپختونخواہ کے ضلع نوشہرہ سے ہے ، گرفتاربین صوبائی اسلحہ سمگلروں کیخلاف مقدمہ درج کرلیا گیا ہے۔