ڈیرہ غازیخان، باغی ٹی وی (نیوز رپورٹر شاہد خان ) سنٹرز آف ایکسیلنس کے بورڈ آف گورنرز کا اجلاس ڈپٹی کمشنر مہر شاہد زمان لک کی زیرصدارت منعقد ہوا۔اجلاس میں ملک احمد بخش باپا،شاہینہ محبوب،فرخندہ واجد،پرنسپلز فیض اللہ ترین، شبانہ آفرین،عباس مہدی نے شرکت کی۔
بورڈ آف گورنرز کے اجلاس میں واٹر ٹریٹمنٹ پلانٹ کی منظور ی دی گئی۔ تر قیاتی کاموں پر پیش رفت کا جائزہ،ٹیچنگ و نان ٹیچنگ سٹاف کی بھرتی پر غور کیا گیا۔نویں،دسویں کلاسز کی میجر ٹیسٹنگ کی رپورٹ پیش کی گئی۔سیو ریج مسائل حل کیلئے کاوشیں جاری رکھنے پر اتفاق کیا گیا۔
ڈپٹی کمشنر مہر شاہد زمان لک نے خطاب کرتے ہوئے کہا کہ بوائز،گرلز سنٹر آف ایکسیلنس ادارے ہمارے لئے ایچی سن سے کم نہیں ہیں،دور جدید میں ترقی کیلئے ہمیں کوالٹی ایجوکیشن پر توجہ دینا ہوگی،اعلی معیار کے تعلیمی ادارے ہمارا اثاثہ ہیں،
ڈپٹی کمشنر نے کہا ہمیں تعلیم کے ساتھ بچوں کی کردار سازی پر بھی توجہ مرکوز کرنا ہوگی۔ڈپٹی کمشنر نے پشاور سانحہ کے شہداء بچوں کی یاد میں منعقدہ تقریب میں بھی شرکت کی اور سنٹر آف ایکسیلنس کے بچوں کی پرفارمینس کو خوب سراہا۔
انہوں نے مزید کہا کہ سنٹر آف ایکسیلنس اداروں کی ضروریات کو پورا کیا جائے گا۔
