میری تقریر کے دوران عمران خان کے نعرے لگے جس پر مجھے خوشی ہوئی،بلاول

پیپلز پارٹی کے چیئرمین بلاول زرداری نے لاہور ہائیکورٹ بار میں تقریب سے خطاب کرتے ہوئے کہاہے کہ امید ہے قائد عوام اور اس ملک کے عوام کو انصاف ملے گا،

بلاول زرداری آئین کی گولڈن جوبلی کےموقع پر لاہورہائیکورٹ میں خطاب کرنےپہنچے تو وکلاء کی جانب سے انکا شاندار استقبال کیا گیا ، بلاول کی گاڑی پر پھولوں کی پتیاں نچھاورکی گئیں،خطاب کرتے ہوئے بلاول زرداری کا کہنا تھا کہ ہماری 2 نسلیں انصاف مانگنے یہاں آتی رہی ہیں، آج تک لاہور ہائیکورٹ کو کرائم سین کی صورت میں دیکھا جاتا ہے،امید ہے قائد عوام کو اتنے عرصے بعد انصاف ملے گا،آصف علی زراری کا 12 سال پہلے کا ریفرنس آج سنا جارہا ہے،

بلاول زرداری کے خطاب کے دوران وزیراعظم عمران خان کے نعرے لگے جس پر بلاول کا کہنا تھا کہ میں آیا ہوں تو آپ عمران خان کے نعرے لگا رہے تھے، مجھے خوشی ہوئی، میری تقریر کے دوران عمران خان کے نعرے لگے جس پر مجھے خوشی ہوئی،میں سیاسی لیڈر سے مختلف رائے رکھ سکتا ہوں لیکن میں سیاسی کارکن کا احترام کرتا ہوں خواہ وہ پیپلز پارٹی سے ہوں، ن لیگ سے یا تحریک انصاف سے،

بلاول زرداری کا کہنا تھا کہ آج میں فخر کے ساتھ گولڈن جوبلی نہیں منا سکتا، نوجوانوں سے کہتا ہوں کہ اگر کوئی بیوقوف بنانے کی کوشش کرے تو اسکی بات نہ مانیں، ملک کا مستقبل آپ کے ہاتھ میں ہے، ہم نے حق چھیننا ہے تا کہ ملک کو،عوام کو مہنگائی، غربت، بے روزگاری سے بچا سکیں، سیلاب سے کتنے خاندان متاثر ہوئے، شرمناک حقیقت ہے کہ پاکستان کی حکومتیں، سیاسی جماعتیں ایک دوسرے سے لڑتی رہیں لیکن سیلاب متاثرین کی مدد نہ کر سکیں،عمران خان کے بعد جو معاشی ٹیم آئی وہ بھی مہنگائی پر قابو نہ کر سکی،یہ میرا ملک ہے، آپ کا ملک ہے، ملکر اس ملک کی ترقی میں حصہ ڈالیں، نوجوان نسل کے پاس امید ہے، انکو ہم مایوس نہیں کرنا چاہتے، آج نہیں تو کل ہم مشکل سے نکلیں گے، وہ وعدے جو قائد عوام نے کئے تھے میں اور آپ ملکر وہ وعدے پورے کریں گے،اس موقع پر وکلا کی جانب سے وزیراعظم بلاول کے نعرے لگائے گئے،

خواتین اگر اسی لگن سے کام کرتی رہیں گی تو جیت انشااللہ پیپلزپارٹی کی ہی ہوگی،

قوم کو بتایا جائے شہیدوں کے خون کاسودا کس نے کیا،بلاول

آج بھی کچھ قوتیں نہیں چاہتیں ذوالفقار بھٹو کو انصاف ملے،بلاول

عمران خان کی جانب سے تحریک طالبان کے ساتھ مذاکرات کا فیصلہ افسوسناک تھا،بلاول بھٹو

ہمارا مقابلہ سیاستدانوں سے نہیں بلکہ مہنگائی بھوک اور بے روزگاری سے ہیں،بلاول بھٹو

جو شخص تین بار فیل ہوا وہ چوتھی بار کیا تیر مارے کا ،بلاول بھٹو کا نواز شریف پر وار