اسلام آباد: ملک میں انتخابات کے لیے امیدواروں کے کا غذات نامزدگی کی وصولی کا آغاز کر دیا گیا-
باغی ٹی وی:عام انتخابات میں حصہ لینے کیلئے کاغذات نامزدگی حاصل اور جمع کروانے کا سلسلہ آج سے شروع ہو گیا ہے۔ الیکشن کمیشن نےعام انتخابات کیلئے کاغذات نامزدگی کی وصولی کا بھی آغاز کردیا ہے الیکشن کمیشن نے ملک بھر میں گزشتہ روز کاغذات نامزدگی کا اجرا کیا تھا جس کے بعد ملک بھر سے امیدوار الیکشن میں حصہ لینے کےلیے کاغذات نامزدگی حاصل کررہے ہیں۔
الیکشن کمیشن کی جانب سے جاری بیان میں کہا گیا ہے کہ کاغذات نامزدگی آج سے 22 دسمبر تک جمع کرائے جاسکیں گے، کاغذات نامزدگی امیدوار متعلقہ حلقے کے آر او آفس میں جمع کرائیں گے،ریٹرننگ آفیسر شام ساڑھے 4 بجے تک کاغذات نامزدگی وصول کریں گے۔
عمران خان توشہ خانہ،سائفر کیس کی سماعت آج اڈیالہ جیل میں ہو گی
دوسری جانب امیدوار صبح ساڑھے آٹھ سے شام ساڑھے چار بجے تک کاغذات حاصل اور جمع کروا سکتے ہیں امیدوار 20 سے 22 دسمبر تک کاغذات نامزدگی جمع کروا سکتے ہیں۔
الیکشن کمیشن کے مطابق امیدواروں کی ابتدائی فہرست 23 دسمبر کو جاری ہوگی، کاغذات نامزدگی کی سکروٹنی 24 سے 30 دسمبر تک ہوگی، جبکہ 13 جنوری کو امیدواروں کو انتخابی نشانات الاٹ کیے جائیں گے،عام انتخابات کے لیے پولنگ 8 فروری کو ہوگی۔
سابق امریکی صدر ڈونلڈ ٹرمپ نااہل قرار
واضح رہےکہ گزشتہ روز این اے 194 لاڑکانہ سے بلاول بھٹو زرداری کے لیےکاغذات نامزدگی حاصل کیے گئے جب کہ سربراہ استحکام پاکستان پارٹی جہانگیر ترین کے لیے 3حلقوں سے کاغذاتِ نامزدگی لیے گئے۔
