اسلام آباد: سپریم کورٹ نے حلقہ بندیوں سے متعلق بلوچستان ہائیکورٹ کے فیصلے کے خلاف تحریری حکم نامہ جاری کردیا۔
باغی ٹی وی: سپریم کورٹ کے جسٹس منصور علی شاہ نے حکم نامہ تحریر کیا جس میں کہا گیا ہےکہ حلقہ بندیوں کے تنازعات سے زیادہ ضروری انتخابات کا انعقاد ہےاور انتخابات جمہوریت کا بنیادی جزو ہیں،ایک جج کا کردارگارڈین کا ہوتا ہے،جج جمہوریت اور آئین کامحافظ ہوتا ے، الیکشن شیڈول آنےکے بعد انتخابی عمل اور جمہوریت کو ڈی ریل نہیں کیاجاسکتا، جمہوریت کی بنیاد عوام کی ترقی ہے جو شفاف انتخا بات سے حاصل ہوسکتی ہے-
عالمی بینک کی پاکستان کیلئے 35 کروڑ ڈالر قرض کی منظوری
حکم نامے میں کہا گیا ہےکہ،انتخابات بنیادی اہمیت رکھتے ہیں جس کے بغیر جمہوری حکومت کا قیام ممکن نہیں، انتخابات وقت پر ہونا ہی فعال جمہوریت کی نشانی ہے، انتخابات سے ہی عوامی اعتماد حاصل ہوسکتا ہے، انتخابات کی تاریخ آجانےکے بعد انتخابی تنازعات کا فوری حل ضروری ہے انتخابات اور اس سے جڑے تنازعات میں تاخیر سے سسٹم اور جمہوریت پر عوامی اعتماد کو ٹھیس پہنچتی ہے، انتخابات میں تاخیر سے سیاسی تناؤ اور سیاسی ماحول بھی عدم استحکام کا شکار ہوتا ہے۔
