عام انتخابات آٹھ فروری کو ہوں گے، ن لیگ نے خواتین کی مخصوص نشستوں کی فہرست جاری کی ہے، چیئرمین پی سی بی ذکا اشرف کی بہن کو بھی ن لیگ نے مخصوص نشستوں پر ٹکٹ جاری کر دیا، مریم اورنگزیب کو قومی و صوبائی اسمبلی دونوں کے لئے نامزدکیا گیا ہے،تحریک انصاف سے ن لیگ میں شامل ہونے والی عظمیٰ کاردار کو بھی ن لیگ نے مخصوص سیٹ کے لئے نامزد کر دیا ہے
صحافی ماجد نظامی نے مسلم لیگ ن کی پنجاب اسمبلی کی مخصوص نشستوں کی ترجیحی فہرست کا ایک جائزہ لیا اور ٹویٹ کرتے ہوئے کہا کہ فہرست میں پہلا ذکیہ شاہنواز نیازی کا ہے جو 4 مرتبہ ایم پی اے اور وزیر رہ چکی ہیں۔تین مرتبہ ایم این اے رہنے والی بیگم عشرت اشرف دوسری مرتبہ ایم پی اے بنیں گے۔ وہ زیب جعفر کی والدہ اور چیئرمین پی سی بی ذکا اشرف کی بہن ہیں۔ حنا پرویز بٹ فہرست میں 10 سے اوپر 6 نمبر، جبکہ عظمی بخاری 7 سے اوپر 5 نمبر پر آ گئیں۔1993 سے اب تک پہلی مرتبہ تہمینہ دولتانہ کو قومی اسمبلی کی بجائے صوبائی اسمبلی کے لیے نامزد کیا گیا ہے۔ مریم اورنگزیب کا نام بھی شامل۔ جو ظاہر کرتا ہے کہ مریم نواز کے پنجاب میں آنے کے امکانات موجود ہیں۔
چکوال سے سابق ایم پی اے سلطان عظمت حیات مرحوم کی بیٹی مہوش سلطانہ اس مرتبہ ایم پی اے بننے کی ہیٹ ٹرک کریں گی۔ سینیٹر شاہین خالد بٹ کی بھتیجی بشری انجم بٹ اور حنا پرویز بٹ بھی تیسری مرتبہ ایم پی اے بنیں گی۔ سرگودھا سے سابق ایم این اے عدنان حیات نون کی اہلیہ تایحہ نون بھی ایم پی اے بننے کی ہیٹ ٹرک کریں گی۔ تحریک انصاف کی منحرف رکن صوبائی اسمبلی عظمی کاردار کو بھی 26 نمبر پر فہرست میں شامل کیا گیا ہے۔
2018 اور مارچ 2023 میں پنجاب اسمبلی کے الیکشن کے لیے جاری ہونے والی لسٹ میں رد و بدل، کئی نام نکال دئیے گئے۔۔ عنیزہ فاطمہ لاہور، نجمہ افضل خان فیصل آباد، گلناز شہزادی سیالکوٹ کا نام مارچ لسٹ میں ہونے کے باوجود اب شامل نہیں کیا گیا۔ اس مرتبہ اسوہ آفتاب اور سعدیہ ندیم ملک بھی ایم پی اے نہیں بن پائیں گی، حمزہ شہباز کے قریبی ساتھی احمد بٹ کی فیملی سے سابق ایم پی اے رابعہ بٹ کا نام شامل نہیں، سابق وزیر سمیرا ملک کی نند اور لک خاندان کی بہو فرحانہ افضل کا نام بھی شامل نہیں
۔۔ طاہرہ اورنگزیب، مریم اورنگزیب کے زیر اثر راولپنڈی ڈویژن سے کئی نام فہرست میں شامل ہونے میں کامیاب رہے۔ جن میں زیب النسا اعوان، شازیہ رضوان، اسما ناز عباسی، طاہرہ مشتاق، تحسین فواد، شازیہ رضوان وغیرہ شامل ہیں. ممبر پنجاب بار کونسل رشدہ لودھی ایڈووکیٹ کا نام بھی شامل ہے،پاکپتن سے ن لیگ کی عہدے دار موتیا بیگم 39 نمبر سے 23 نمبر پر آنے میں کامیاب ہوئیں،کئی سینیئر رہنماؤں کو مبینہ طور پر ایک ایک، دو دو ایم پی ایز کا کوٹہ بھی دیا گیا۔
لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری
عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟
الیکشن کمیشن کو تمام شکایات پر فوری ایکشن لیکر حل کرنے کا حکم
کاغذات نامزدگی جمع کرانے کے وقت میں 2 دن کا اضافہ
ن لیگ کے محسن رانجھا نے پی ٹی آئی والوں پر پرچہ کٹوا دیا .
نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں
عام انتخابات کے دن قریب آئے تو تحریک انصاف کی مشکلات میں اضافہ
