کوئٹہ:بلوچستان کے انتہائی حساس پولنگ اسٹیشنوں پر سی سی ٹی وی کیمرے نصب کرنے اور پولیس اور لیویز کی مدد کیلئے پاک فوج اور فرنٹیئر کور کی خدمات حاصل کرنے کا فیصلہ کیا ہے۔
باغی ٹی وی : نگران وزیراعلیٰ بلوچستان علی مردان خان ڈومکی کی زیر صدارت صوبے میں امن و امان کی مجموعی صورتحال اور پرامن انتخابات کے انعقاد کیلئے ہونے والے اجلاس میں علی مردان خان ڈومکی نے کہا کہ بلوچستان میں پرامن، صاف شفاف اور غیر جانبدارانہ انتخابات کے لیے تیاریاں جاری ہیں، حساس اور انتہائی حساس پولنگ اسٹیشنز پر بحالی امن کے لیے خصوصی اقدامات اٹھائے جارہے ہیں-
شدید دھند کے باعث آج بھی فلائٹ آپریشن متاثر ، 15 پروازیں منسوخ
اجلاس میں ایڈیشنل چیف سیکرٹری داخلہ زاہد سلیم نے بریفنگ دیتے ہوئے بتایا کہ انتخابات کے حوالے سے بلوچستان کے 18 اضلاع کو انتہائی حساس قرار دیا گیا ہے، عام انتخابات 2024 کے لیے بلوچستان میں 5067 پولنگ اسٹیشن قائم ہوں گے جس میں 2055 پولنگ اسٹیشن انتہائی حساس ، 2180 حساس جبکہ 832 نارمل قرار دئیے گئے ہیں، آئی جی بلوچستان نے اجلاس میں بتایا کہ صوبے میں امیدواروں، انتخابی مہم اور انتخابی عملے کی سکیورٹی کے لیے حکمت عملی تیار کرلی گئی ہے۔
