بھارتی اداکار پاکستان مخالف فلمیں بنانے پر بھارتی فلم انڈسٹری پر برس پڑے
![india](https://baaghitv.com/wp-content/uploads/2024/01/WhatsApp-Image-2024-01-17-at-5.35.36-PM-jpeg.webp)
ممبئی: بالی ووڈ اداکار اور فلمی مبصر کمال راشد خان المعروف کے آر کے نے پاکستان مخالف فلم ’فائٹر‘ بنانے پر بھارتی فلم انڈسٹری کو آڑے ہاتھوں لیا ہے-
باغی ٹی وی: کمال راشد خان کا ایک ویڈیو کلپ سوشل میڈیا پر وائرل ہورہا ہے جس میں وہ بالی ووڈ کی نئی آنے والی ‘فائٹر’ پر شدی تنقید کی اُنہوں نے کہا کہ فلم میں ہریتھک روشن کہتے ہیں کہ ہم تیار ہیں اور اب ہم پاکستان پر بمباری کرنیوالے ہیں۔
بھارتی اداکار نے ہریتھک روشن کے اس ڈائیلاگ پر سوال کیا کہ مجھے یہ سمجھ نہیں آتا کہ ہر فلم میں پاکستان پر ہی کیوں بمباری کی جاتی ہے؟ کبھی چین پر بھی بمباری کرلیا کرو،چائنہ سے بھی ہمارا اتنا ہی جھگڑا ہے جتنا پاکستان سے ہے تو کبھی چائنہ پر بھی بمباری کر لیا کرا چین بھی ہمارا دشمن ملک ہی ہے، چین پر بمباری کرنے میں کیا مسئلہ ہے؟
ماہرہ خان اور ماورا حسین کی غزہ پر اسرائیل کی وحشیانہ بمباری کی …
اُنہوں نے فلم کا ایک اور سین بیان کرتے ہوئے کہا کہ اُس کے بعد ہریتھک روشن دو تین ساتھی آفیسرز کو لےکر جاتے ہیں اور ہاتھا پائی کرکے پاکستان کو مکمل طور پر تباہ کردیتے ہیں، تو میں یہاں بالی ووڈ سے یہ سوال کرنا چاہتا ہوں کہ جب ہر دوسری تیسری فلم میں ہمارے بہادر اداکار پاکستان کو تباہ کرکے آجاتے ہیں تو پھر یومِ دفاع پر بھارتی فوج کے ہتھیاروں پر لاکھوں، کروڑوں پیسے کیوں خرچ کیے جاتے ہیں؟ میں تو کہتا ہوں کہ ہر 6 مہینے بعد ہریتھک روشن کو ہی پاکستان بھیج دیا کریں تاکہ وہ پاکستان کو تباہ کردے، پھر بھارتی فوج کا تو کوئی کام ہی باقی نہیں رہے گا،جب آپ دس بار پاکستان کو تباہ کرچکے ہیں تو ہر فلم میں پاکستان کیسے واپس آجاتا ہے؟
گلوکار ساحر علی بگا اور یوکرینی گلوکارہ کے گانے کی تیاریاں شروع
واضح رہے کہ بالی ووڈ کی نئی آنے والی فلم ’فائٹر‘ کا ٹریلر ریلیز ہوگیا ہے جس ر میں دیکھا جاسکتا ہے کہ پلوامہ حملے کے بعد انڈین فضائیہ پاکستان کے خلاف ایک آپریشن کا منصوبہ بناتی ہے فلم میں ہریتھک روشن اور دیپیکا پڈوکون انڈین فضائیہ کے اسکواڈرن لیڈر کا کردار ادا کررہے ہیں جبکہ انیل کپور کمانڈنگ آفیسر کے روپ میں نظر آئیں گے،فلم میں حقائق کو توڑ موڑ کر دکھایا گیا ہے’فائٹر‘ بنانے کا اعلان جنوری 2021 میں کیا گیا تھا ور اسے ستمبر 2022 کو ریلیز ہونا تھا لیکن کورونا وبا کے باعث اس میں تاخیر ہوگئی اور اب 25 جنوری 2024 میں اسے سینما گھروں کی زینت بنایا جائے گا۔