خیبر پختونخوا کے صوبائی دارالحکومت پشاور میں افسوسناک واقعہ پیش آیا ہے
پشاور کے علاقے صدر میں شاپنگ سنٹر میں آتشزدگی سے کروڑوں کا سامان جل کر خاکستر ہو گیا، فائر بریگیڈ کی جانب سے آگ بجھانے کی کوشش جاری ہے،حکام کے مطابق پشاور کے شاپنگ سنٹر میں اچانک آگ بھڑک اٹھی جو چند ہی لمحوں میں پھیل گئی،آگ کو بجھانے کے لئے فائر بریگیڈ کی 26 سے زائد گاڑیاں اور 130 سے زائد فائر فائٹر مصروف ہیں، دیگر قریبی اضلاع سے بھی فائر بریگیڈ کی گاڑیاںمنگوائی گئی ہیں، ابتدائی رپورٹ کے مطابق آگ شارٹ سرکٹ کی وجہ سے لگی
ریسکیو حکام کا کہنا کہنا تھا کہ آگ نے پورے پلازے کواپنی لپیٹ میں لے لیاہے ، 2 منزلہ عمارت میں تقریبا 200 دکانیں ہیں شاپنگ سینٹر میں بیٹریاں اور یو پی ایس پھٹنے سے آگ کی شدت میں اضافہ اور کنٹرول کرنے میں مشکلات پیش آ رہی ہے، شاپنگ سینٹر کے قریب واقع گھروں کوخالی کرالیا گیا ہے، شاپنگ سینٹر میں موبائل فون، یو پی ایس اور دیگر الیکٹرانکس کی دکانیں ہیں، فوری طور پر کسی جانی نقصان کی اطلاع نہیں ملی
ریسکیو حکام کے مطابق ریسکیو1122 فائر فائٹرز نے پشاور صدر میں قائم موبائل ٹائم سنٹر میں لگی آگ پر 70فیصد قابو پالیا، ریسکیو1122 کے تازہ دم فائر فائٹرز آگ بجھانے میں مصروف ہیں،آگ کی شدت کم ہوچکی ہے، دھواں ذیادہ ہے جس کو نکالا جارہا ہے، آگ بجھانے والی جگہ پر بیٹریاں پھٹنے کی وجہ سے آگ دوبارہ بھڑک اٹھتی ہے، موبائل اور یو پی ایس بیٹریز وقفے وقفے سے پھٹ رہی ہیں، ممکنہ طور پر شارٹ سرکٹ کی وجہ سے آگ لگی، 4 افراد سامان نکالنے کیلئے اندر گئے جو پھنس گئے تھے،4 افراد کو بحفاظت نکال لیا گیا ہے، مارکیٹ کے اندر اب آگ میں کوئی بھی نہیں پھنسا،
