الیکشن سے قبل اہم سیاسی رہنماؤں کو اغوا کرکے یرغمال بنانے کا خدشہ سامنے آیا ہے
ووٹرز میں دہشت پیدا کرنے کے لیے سیاسی جلسوں پر بھی حملے ہو سکتے ہیں،پولنگ کے دن بیلٹ پیپر ، باکس اور انتخابی نتائج بھی چھینے جا سکتے ہیں،محکمہ داخلہ پنجاب نے تمام اضلاع کی انتظامیہ اور پولیس کو مراسلہ بھیج دیا.محکمہ داخلہ پنجاب کی جانب سے تمام اضلاع کی انتظامیہ اور پولیس کو مراسلہ بھیج کر خطرے سے آگاہ کیا گیا ہے
محکمہ داخلہ پنجاب کے مراسلے میں کہا گیا کہ عام انتخابات آٹھ فروری کو ہو رہے ہیں، انتخابی مہم جاری ہے،موجودہ سیکیورٹی کی صورتحال اور خطرات کے پیشِ نظر ہدایات پر عمل کیا جائے اور انتخابات کو پُرامن بنانے کے لیے ضروری ہے کہ فول پروف انتظامات ہوں، دہشتگرد گروپ اور غیر جمہوری قوتیں الیکشن میں خلل ڈال سکتی ہیں، غیر یقینی اور عدم استحکام پیدا کرنے کا مقصد الیکشن ملتوی کرنا ہوسکتا ہے، تخریب کاری کا مقصد جمہوری عمل کو پٹری سے اتارنا ہو سکتا ہے، ممنوعہ اور کالعدم مذہبی تنظیمیں اہم سیاسی رہنماؤں پر حملہ کرسکتی ہیں جبکہ ووٹرز میں دہشت پیدا کرنے کے لیے سیاسی جلسوں پر بھی حملے ہو سکتے ہیں
محکمہ داخلہ پنجاب کے مراسلے میں خدشہ ظاہر کیا گیا ہے کہ دہشت گرد اہم سیاسی رہنماؤں کو اغوا کر کے ترغمال بنا سکتے ہیں۔ پولنگ کے دن بیلٹ پیپر، باکس اور انتخابی نتائج چھینے جا سکتے ہیں،فوج اور رینجرز کی تعیناتی کے لیے علاقوں کی نشاندہی کر کے 28 فروری تک رپورٹ دی جائے تا کہ فول پروف سیکورٹی یقینی بنائی جا سکے،
