او آئی سی اجلاس میں شرکت کے لئے وزیراعظم سعودی عرب روانہ

وزیر اعظم عمران خان سعودی عرب کے دورے پرروانہ ہو گئے ہیں، وزیر اعظم او آئی سی کے 14 ویں سربراہی اجلاس میں شریک ہوں گے

باغی ٹی وی کی رپورٹ کے مطابق وزیراعظم عمران خان سعودی عرب روانہ ہوئے ہیں، وہ کل جمعہ کو اوآئی سی کے 14ویں سربراہ اجلاس میں شریک ہوں گے ،اجلاس میں مسلم ممالک اورمسلمانوں کودرپیش مسائل پرغورو فکرکیاجائے گا ،وزیراعظم کودورے کی دعوت سعودی فرماں روا شاہ سلمان بن عبدالعزیزنے دی ہے،وزیراعٍظم وزیراعظم آج شام سعودی عرب کے شہرمدینہ میں پہنچیں گے اور روضہ رسول پرحاضری دیں گے، وزیراعظم عمران خان آج رات مکہ روانہ ہوں گے، وزیراعظم عمران خان اجلاس کی سائیڈ لائنز پرکچھ اہم سربراہان مملکت سے ملاقات بھی کریں گے .وزیراعظم عمران خان سعودی عرب میں27ویں رمضان کو اہم سربراہان مملکت کے ہمراہ اکٹھےعمرےکی سعادت حاصل کرینگے .

واضح رہے کہ او آئی سی کا اجلاس سعودی عرب میں ہو رہا ہے، وزیر خارجہ شاہ محمود قریشی پہلے اجلاس میں شریک ہوئے ہیں. شاہ محمود قریشی نے جدہ میں او آئی سی کے سیکرٹری جنرل سے ملاقات کی، ملاقات کے دوران امت مسلمہ کو درپیش چیلنج اور ان سے نمٹنے پر بات چیت ہوئی