سیالکوٹ،باغی ٹی وی (شاہدریاض کی رپورٹ ) کچہری چوک میں انتخابات میں برترین دھاندلی کے خلاف پُرامن احتجاج مظاہرہ کیا گیا ،پاکستان تحریک انصاف کی این اے 71 سے امیدوار ریحانہ ڈار ، این اے 70 سے امیدوار صاحبزداہ حامد رضا ،پی پی 47 مہر کاشف ، پی پی 48 روبا ڈار ، پی پی 44 سعید احمد بھلی ،پی پی 45 عمر جاوید گھمن کی جانب سے عظیم الشان ریلی نکالی گئی اور کچہری چوک میں پرامن احتجاجی مظاہرہ کیا گیا ۔سیالکوٹ کی عوام پارٹی کارکنان اور آئی ایل ایف کے وکلاء کی بڑی تعداد میں شرکت ۔
پاکستان تحریک انصاف کی این اے 71 سے امیدوار ریحانہ ڈار صاحبہ این اے 70 سے امیدوار صاحبزداہ حامد رضا پی پی 47 مہر کاشف ، پی پی 48 روبا ڈار ، پی پی 44 سعید احمد بھلی پی پی 45 عمر جاوید گھمن کی جانب سے عظیم الشان ریلی نکالی گئی اور کچہری چوک میں پرامن احتجاجی مظاہرہ کیا گیا ۔
سیالکوٹ کی عوام پارٹی کارکنان اور آئی ایل ایف کے وکلاء کی بڑی تعداد میں شرکت ۔
بانی پاکستان تحریک انصاف عمران خان کی ہدایات پر ملک بھر کی طرح سمبڑیال میں بھی پی ٹی آئی رہنماؤں اور کارکنان کا قومی انتحابات میں دھاندلی کے خلاف احتجاجی مظاہرہ ،حلقہ این اے 74 سے نومنتحب ایم این اے برگیڈیئر (ر) اسلم گھمن کی بازیابی کا بھی مطالبہ کیا گیا.
بانی پاکستان تحریک انصاف عمران خان کی احتجاجی کال پر ملک بھر کی طرح سمبڑیال میں بھی پی ٹی آئی کے مقامی رہنماؤں ، کارکنان نے قومی انتحابات میں دھاندلی کے خلاف تحصیل کمپلیکس کے باہر احتجاجی مظاہرہ کیا اور اس موقع پر الیکشن کے دوران حلقہ پی پی 52 اور حلقہ پی پی 53 میں دھاندلی کے خلاف متعلقہ آر او کے خلاف احتجاج کرتے ہوئے شدید نعرہ بازی کی۔
احتجاجی مظاہرہ میں شرکاء سے خطاب کرتے ہوئے دونوں حلقوں سے پی ٹی آئی کے حمایت یافتہ امیدواروں فاخر نشاط گھمن اور بیرسٹر جمشید غیاث سمیت سابق صدر بار ایسوسی ایشن سمبڑیال صابر عالم بھٹی ایڈوکیٹ ، زبیر چیمہ ایڈوکیٹ و دیگر کا کہنا تھا کہ حلقہ پی پی 52 اور پی پی 53 میں ہماری جیت کو دھاندلی سے شکست میں تبدیل کیا گیا ،
الیکشن کمیشن ہماری جیتی دونوں سیٹیں ہمیں واپس کرے ، احتجاجی مظاہرین کا کہنا تھا کہ پی ٹی آئی پورے ملک سے 186 سیٹوں پر اکثریت سے جیتی ہوئی ہے جبکہ منصوبہ بندی کے تحت ہمارا ووٹ چوری کرکے ہرایا گیا ہے ، ہمارا لیڈر کل بھی عمران خان تھا اور آج بھی ہے ، ہمارا الیکشن کمیشن سے مطالبہ ہے کہ ہماری دونوں صوبائی حلقوں سے جیتی سیٹیں ہمیں واپس کی جائیں ۔
مظاہرین نے اس موقع پر حلقہ این اے 74 سے نومنتحب ایم این اے برگیڈیئر (ر) محمد اسلم گھمن کے گزشتہ دنوں اغواء کئے جانے کی شدید مذمت کرتے ہوئے فوری بازیابی کا مطالبہ بھی کیا۔
