سیالکوٹ: حضرت مولانا امیر محمد اکرم اعوان کی زوجہ محترمہ انتقال کرگئیں

سیالکوٹ،باغی ٹی وی ( شاہد ریاض بیوروچیف ) حضرت مولانا امیر محمد اکرم اعوان ؒ کی زوجہ محترمہ اور حضرت امیر عبدالقدیر اعوان مد ظلہ العالی شیخ سلسلہ نقشبندیہ اویسیہ و سربراہ تنظیم الاخوان پاکستان کی والدہ ماجدہ جو گزشتہ رات انتقال فرما گئیں تھیں ان کی نماز جنازہ مرکز دارالعرفان منارہ صقارہ اکیڈمی کی گراؤنڈ میں ادا کی گئی۔

حضرت جی مد ظلہ العالی کی والدہ ماجدہ نے اپنی ساری زندگی سلسلہ عالیہ کی خدمت میں گزاری اور ان کے شب و روز عبادات سے مزین تھے۔نماز جنازہ میں علاقہ بھرسے سیاسی،سماجی و عسکری شخصیات کے علاوہ زندگی کے ہر پہلو سے تعلق رکھنے والے افراد کی بہت بڑی تعداد نے شرکت کی۔

حضرت امیر عبدالقدیر اعوان مد ظلہ العالی سے گہرے دکھ کا اظہار کیا۔ان کے علاوہ ایم پی اے حیدر سلطان چکوال،تنویر اسلم سیتھی ایم پی اے،ملک صفدر اعوان چیف آف اعوان،ملک مظہر اعوان سنئیر زمہ دار تنظیم الاعوان بھی شامل تھے

سلسلہ عالیہ کے زمہ داران نے بھی شرکت کی جن میں حکیم عبدالماجد جنرل سیکرٹری تنظیم الاخوان پنجاب،محمد ارشد مرکزی زمہ دار اور صاحب مجاز راولپنڈی،محمد شیراز صدر تنظیم الاخوان ملتان،امجد اعوان محمود سیکرٹری انفارمیشن تنظیم الاخوان پاکستان بھی شامل تھے۔