اسلام آباد: سابق وزیراعظم شاہد خاقان عباسی نے نئی سیاسی جماعت بنانے کا اعلان کر دیا۔
باغی ٹی وی : اپنے بیان میں سابق وزیراعظم شاہد خاقان عباسی نے سیاسی میدان میں سرگرم ہوتے ہوئے نئی سیاسی جماعت بنانے کا اعلان کر دیا،انہوں نے کہا کہ موجودہ انتخابی مہم میں پاکستان کے مسائل پر کوئی بات نہیں کی گئی، سیاسی جماعتیں ملکی مسائل پر بات نہیں کر رہیں، یک دوسرے کو کرپٹ کہنا چھوڑنا ہو گا،ملک میں کبھی کسی کو کرپشن پر سزا نہیں ملی، ملک کے مسائل دیکھیں اور ان کا حل نکالیں۔
واضح رہے کہ اس سے قبل گزشتہ ماہ نئی سیاسی جماعت سے متعلق سابق وزیرِ اعظم شاہد خاقان عباسی نے بڑا اعلان کیا تھا، میڈیا سے گفتگو کرتے ہوئے کہا تھا کہ پاکستان کی 3 بڑی سیاسی جماعتیں فیل ہو گئی ہیں، ان کے پاس عوام کے مسائل کا حل نہیں ہے، 35 سال سے ن لیگ سے منسلک رہا، پارٹی پالیسی سے اختلاف ہے جس پر علیحدہ ہوا ہوں، نواز شریف میرے قائد تھے میں نے الیکشن چھوڑا ہے سیاست نہیں، یہ الیکشن بے مقصد ہو چکا ہے، الیکشن جتنے غیر متنازعہ ہوںگے اتنا ہی بہتر ہے، کسی کی سپورٹ سے ملک نہ پہلے چلا نہ چلے گا۔
الیکشن کمیشن سے استعفے کا مطالبہ کبھی نہیں کیا، فافن کی شیعب شاہین کے دعوے …
سابق وزیراعظم نے کہا تھا کہ الیکشن کے دوران نمائندوں کو طلب کر رہے ہیں ابھی بھی وقت ہے کہ اس الیکشن کو غیر متنازعہ بنائیں، پچھلے 5 سال سے نیب کے چکر لگا رہے ہیں، نیب کو کہا کہ پنجاب کی کرپشن سے میرا کیا تعلق ہے، نیب اور اینٹی کرپشن سیاسی جوڑ توڑ کیلئے استعمال ہورہے ہیں،ن لیگ کے ٹکٹ سے الیکشن میں حصہ لوں گا اور نہ ن لیگ کیخلاف الیکشن لڑوں گا ، الیکشن کے ماحول میں دباؤ کا اثر ہو گا۔
