اردو کے ممتاز ادیب، مصنف ، ڈرامہ نگار اور میزبان انور مقصود کی اغوا کی خبریں، بریانی بنا کر ویڈیو میں وضاحت دے دی،کہتے ہیں اغوا کیا گیا ہوتا تو بریانی نہ بنا رہا ہوتا
انور مقصود نے سوشل میڈیا پر گردش کرنے والی افواہوں کی تردید کی ہے،سوشل میڈیا پلیٹ فارم انسٹاگرام پر نامور گلوکار بلال مقصود نے اپنے والد انور مقصود کی ویڈیو شئیر کی جس میں انہیں بریانی کی دیگچی میں چمچ چلاتے ہوئے دیکھا جاسکتا ہے،اس دوران انور مقصود کہتے ہیں کہ "اگر میرے زخم ہوتے یا ہڈی ٹوٹی ہوتی تو میں کیسے بریانی بناتا؟ میں تو ابھی بریانی بنا رہا ہوں ورنہ تو کوئی اور میرے لیے تین دن کے لیے بریانی بناتا”.
چند روز سے سوشل میڈیا پر یہ افواہیں گردش کر رہی تھیں کہ انور مقصور کو اغوا کیا گیا ہے اور ان پر تشدد کیا گیا ہے، حکومت کے خلاف بولنے سے روکنے کے لئے دھمکیاں بھی دی گئی ہیں ، اس پر انور مقصود کا کہنا تھا کہ میرے بارے میں سوشل میڈیا پر گردش کرنے والی خبریں بے بنیاد ہیں،میرا نہ تو سوشل میڈیا پر کوئی اکاؤنٹ ہے اور نہ ہی میں سوشل میڈیا دیکھتا ہوں لوگ اسے ٹیلی فون کالز کے ذریعے رپورٹس کے بارے میں بتا رہے تھے۔
تھیٹر میں انور مقصود کے ڈراموں سے شہرت ملی حریم فاروق
