اوچ شریف باغی ٹی وی ( نامہ نگار حبیب خان)اوچ شریف شہر و گردونواح میں وزیر اعلیٰ پنجاب مریم نواز شریف کا خواب ستھرا پنجاب مہم چکنا چور ہو کر رہ گیا، افسران صرف فوٹو سیشنوں میں مصروف
تفصیلات کے مطابق اوچ شریف شہر میں وزیر اعلیٰ مریم نواز شریف کی صاف ستھرامہم ناکام ہوکر رہ گئی۔گلی محلے جوہڑوں کے مناظر پیش کرنے لگے۔افسران فوٹوسیشنوں میں مصروف ہوگئے۔ ستھراپنجاب مہم میں بہتری نہ آ سکی۔چند ایک علاقوں میں فوٹو سیشن کرکے صفائی ستھرائی مہم چلانے کے بلند بانگ کھوکھلے دعوے کئے جارہے ہیں۔
جبکہ شہر کے اکثر گلی محلے میں نہ صرف کوڑے کرکٹ اور گندگی وغلاظت کے ڈھیر لگے ہوئے ہیں بلکہ اوچ شریف شہر میں صفائی ستھرائی کی صورتحال انتہائی ابتر ہو کر رہے گئی ہے جس سے مکھیوں اور مچھروں کی بہتات نے شہریوں کا جینا دوبھر کر رکھا ہے،
گلی، محلوں دکانوں اور گھروں میں سکون سے بیٹھنا تک محال ہوگیاہے، گھروں اور ہوٹلوں پر بیٹھ کر کھانا پینا تک دشوار ہوگیا ہے افسران فوٹوسیشن کرکے وزیر اعلی مریم نواز شریف اور پنجاب حکومت کو بے وقوف بنانے میں مصروف ہیں.
Leave a reply
