اسلام آباد: پشاور اور گردونواح میں زلزلے کے جھٹکےمحسوس کیے گئے۔
باغی ٹی وی : اسلام آباد اورراولپنڈی میں زلزلے کے جھٹکے محسوس کئے گئے، زلزلے کے جھٹکوں کے باعث لوگوں میں خوف و ہراس پھیل گیا، لوگ کلمہ طیبہ کا ورد کرتے ہوئے گھروں باہر نکل آئے تاہم زلزلے کے باعث کسی قسم کے جانی نقصان کی اطلاع نہیں ملی، مردان ، کوہاٹ، دیربالا اور چترال زلزلے میں بھی جھٹکے محسوس کئے گئے، مینگورہ شہر اور گردونواح میں بھی زلزلے کے جھٹکے محسوس ہوئے شہریوں میں خوف وہراس پھیل گیا۔
زلزلہ پیما مرکز کے مطابق ریکٹر اسکیل پر زلزلے کی شدت 5 اعشاریہ 3 ریکارڈ کی گئی، زلزلے کی گہرائی 130 کلومیٹر تھی، زلزلے کا مرکز ہندوکش ریجن افغانستان تھا۔
