لاہور: لاہور ہائیکورٹ نے خاتون بازیابی کیس میں پولیس کو17اپریل تک مہلت دے دی۔
باغی ٹی وی : لاہور ہائیکورٹ میں خاتون کی بازیابی کیلئے کیس کی سماعت ہوئی،،جسٹس امجد رفیق نے کیس کی سماعت کی،دوان سماعت عدالتی حکم پر سی سی پی اولاہور اور ڈی آئی جی انویسٹی گیشن سمیت دیگر افسران پیش ہوئے،جسٹس امجد رفیق نے خاتون کی بازیابی نہ ہونے پر تشویش کااظہار کیا۔
دوران سماعت سی سی پی او نے کہاکہ خاتون کی بازیابی کیلئے سنجیدہ کوشش کررہے ہیں،جسٹس امجد رفیق نے کہاکہ 3ماہ گزر چکے، بظاہر پولیس کی کوشش نظر نہیں آ رہی،سی سی پی او لاہور نے کہاکہ خاتون کی بازیابی کیلئے مہلت دی جائے،عدالت نے سی سی پی او لاہور کو خاتون کی بازیابی کیلئے 17اپریل تک مہلت دے دی۔
