بغداد : عراق کا ایران سے گیس درآمد کرنے کا معاہدہ طے پاگیا۔
باغی ٹی وی : غیر ملکی میڈیا رپورٹس کے مطابق عراقی وزارت بجلی کی جانب سے جاری بیان میں کہا گیا ہے کہ عراق ایران سے گیس درآمد کرے گا،اس حوالے سے معاہدہ طے پا گیا ہے،معاہدے پر عراق کی جانب سے وزیر بجلی زیاد علی فاضل اور ایران کی جانب سے نیشنل گیس کمپنی کے حکام نے دستخط کیے۔
عراقی وزارت بجلی کے مطابق ایران سے 5 سال تک گیس درآمد کرنے کا معاہدہ طے ہو گیا، ایران عراق کو یومیہ 5 کروڑ کیوبک میٹر گیس5 سال تک فراہم کرنے کا پابند ہوگا، ایران سے گیس درآمد کر کے عراق بجلی پیدا کرنے کی ضروریات پوری کرےگا۔
چین کا پاکستان سے دہشت گردانہ حملے کی جلد از جلد جامع تحقیقات …
واضح رہے کہ گزشتہ روز امریکی محکمہ خارجہ کے ترجمان میتھیو ملر نے خبردار کیا تھا کہ ہرایک کو مشورہ دیتے ہیں ایران کے ساتھ کاروبار کرنے سے امریکی پابندیوں کا خطرہ ہوسکتا ہے،پریس بریفنگ میں ترجمان امریکی محکمہ خارجہ سے پاک ایران گیس پائپ لائن سے متعلق سوال کیا گیا اس پر انہوں نے کہا کہ کسی ممکنہ کارروائی پر تبصرہ نہیں کر سکتے اور ہرایک کو مشورہ دیتے ہیں ایران کے ساتھ کاروبار کرنے سے امریکی پابندیوں کا خطرہ ہوسکتا ہے، سب کو مشورہ ہے ایران کے ساتھ کاروبار سے پہلے اس بات پرغور کریں، اسسٹنٹ سیکرٹری نے واضح کیا تھا ہم اس پائپ لائن کو آگے بڑھانے کی حمایت نہیں کرتے۔
