لبنان: ہفتے کے روز جنوبی لبنان کے سرحدی شہر رمیش کے قریب ایک اسرائیلی فضائی حملے میں اقوام متحدہ کے نمائندوں کو لے جانے والی ایک گاڑی کو نشانہ بنایا جس میں متعدد نمائندے زخمی ہو گئے، جس کی اقوام متحدہ کے امن مشن نے بھی تصدیق کی ہے-
باغی ٹی وی : روئٹرز کے مطابق اسرائیلی طیاروں نے لبنان میں اقوام متحدہ کی گاڑی کے قریب فضائی حملہ کیا جس کے نتیجے میں اقوام متحدہ کے 4 نمائندے زخمی ہو گئے،اقوام متحدہ کی جانب سے کہا گیا ہے کہ اقوام متحدہ کے نمائندوں پر حملے کسی صورت قبول نہیں۔
دوسر ی جانب العربیہ کے مطابق اسرائیلی فوج کے ترجمان افیخائی ادرعی نے اس بات کی تردید کی کہ اسرائیلی افواج نے جنوبی لبنان میں اقوامِ متحدہ کے امن مشن سے تعلق رکھنے والی گاڑی کو نشانہ بنایا۔
