ڈکیتی مزاحمت پر قتل یا زخمی ہونےکے واقعات کی تفتیش ماہر افسر کریں گے،آئی جی سندھ

کراچی: آئی جی سندھ غلام نبی میمن کا کہنا ہے کہ ڈکیتی مزاحمت پر قتل یا زخمی ہونےکے واقعات کی تفتیش ماہر افسر کریں گے۔

باغی ٹی وی : کراچی میں جرائم کی بڑھتی واردات پر آئی جی سندھ غلام نبی میمن کی زیر صدارت سینٹرل پولیس آفس میں اہم اجلاس ہواماجلاس میں آئی جی سندھ غلام نبی میمن کا کہنا تھا کہ کراچی میں اسٹریٹ کرائم کے دوران 49 افراد جاں بحق، 650 کے قریب زخمی ہوئے ہیں، 7 بہترین نامزد افسران کیس پر کام کر کے ملزمان کو گرفتار کریں گے، دیگر 60 افسران ان تمام کیسز میں ملوث ملزمان کے خلاف کام کریں گے، ایک تفتیشی افسر 10 سے 12 کیسز پرہی کام کرے گا۔

انہوں نے کہا کہ ایس ایس پی اسپیشل انویسٹی گیشن یونٹ عدیل چانڈیو کو اہم ٹاسک سونپا گیا ہے، جرائم پر قابو پانے والے پولیس افسران کو ایک لاکھ نقدی، کمپیوٹر، وافر مقدار میں پیٹرول دیں گے، کیس بنانے کے لیے بھی ماہر ماتحت افسران مہیا کر رہے ہیں حکومت سے درخواست کی جائے گی کہ جس طرح اسپیشل ٹیم بنائی گئی ہے اس پر اسپیشل کورٹس بننی چاہئیں تاکہ کیس جلدی حل ہوں۔

سوات اور گردونواح میں زلزلے کے جھٹکے

آئی جی سندھ نے کہا کہ پولیس کا کام ہےکہ عوام کی خدمت اور ان کی حفاظت کرنا ہے، ڈکیتی میں مزاحمت پر کلنگز کے ساتھ کریمنلز کی سرگرمیاں بڑھ گئی ہیں، تفتیش میں کارکردگی، ملزمان کو سزاؤں کی شرح سے آئی اوز کو تنخواہ بطور ریوارڈ دی جائے گی، تفتیشی افسران کی کارکردگی رپورٹ ایس ایس پیز، اے آئی جی آپریشنز سندھ کو ارسال کریں گے، عمدہ کارکردگی کے حامل افسران کو ایس آئی او کی پوزیشن دی جائے گی۔

31 مارچ تاریخ کے آئینے میں

بابر اعظم کو کپتان کیوں بنایا گیا؟پی سی بی نے وجہ بتا دی