جھل مگسی:گنداواہ میں اقلیتی برادری عدم تحفظ کاشکار

جھل مگسی،باغی ٹی وی (نامہ نگار رحمت اللہ بلوچ)گنداواہ میں اقلیتی برادری عدم تحفظ کاشکار،عوامی وسماجی حلقوں کی جانب سے ہندو اقلیتیوں کو لوٹنے اور ان کے بچوں کو اغواء کرنے کی کوشش پرتشویش کااظہار کیا ہے

تفصیل کے مطابق گنداواہ عوامی سماجی حلقوں نے اپنے ایک بیان میں کہا کہ گنداواہ کی ہندوبرادری سے تعلق رکھنے والی اقلیت عدم تحفظ کا شکار ہیں 11 دسمبر 2023 کو ہندو تاجر انند رام کو گنداواہ بازارمیں ان کی دکان میں گھس کر مسلح افراد نے تشدد کرکے 4 لاکھ 30 ہزار نقدی لوٹ کر فرار ہوگئے تھے

پھر 27 جنوری 2024 کو ہندو جیولر نریش کمار اپنے جواپنی جیولری کی دکان میں بیٹھا ہواتھا مسلح افراد نے دکان میں گھس کر اسلحہ کی زور پر تشدد کرکے 8 لاکھ 80 ہزار نقدی 400 سو تولہ چاندی قیمتی موبائل فون چھین کر فرار ہوگئے ،اب کی بار نریش کمار کی بچی کو اغوا کرنے کی کوشش کی گئی۔ ان واقعات میں ملوث افراد کی تاحال کوئی گرفتاری نہیں ہوسکی اورنہ اب تک گنداواہ پولیس ملزمانوں کا سراغ لگا سکی ہے

ذرائع کا بتانا ہے کہ 27 اور 28 مارچ کو ہندواقلیتی برادری کے کم سن ایک بچے اور بچی کو اغوا ٕ کرنے کی کوشش کی گئی ہے،یہ اغواء کی کوشش شہریوں کی بروقت مداخلت سے ناکام ہوگئی

شہریوں قانون نافذ کرنے والے اداروں کے اعلی افسران اور وشیراعلیٰ بلوچستان سےاپیل کی ہے کہ گنداواہ کی ہندواقلیت کو تحفظ دلایا جائے ان سے لوٹ ماراور ان کے بچوں کو اغواکی کوشش کرنے والے عناصر کو فوری گرفتار کیا جائے .