نومولود بچوں کی اسمگلنگ کرنے والا گروہ گرفتار

ممبئی: بھارتی ایجنسی سی بی آئی نے نومولود بچوں کی اسمگلنگ کرنے والا گروہ پکڑلیا-

باغی ٹی وی:بھارتی میڈیا کے مطا بق بھارت کی سینٹرل بیورو آف انویسٹی گیشن کی جانب سے ہفتے کے روز ایک ایسے نیٹ ورک کو پکڑا ہے، جو کہ نومولود بچوں کی اسمگلنگ بیرون ملک کرتا رہا ہے دلی اور ہریانہ سمیت بھارت کے کئی شہروں میں اس نیٹ ورک نے جال بچھائے ہوئے ہیں، جہاں وہ یا تو بچوں کو اسپتال سے اغوا کرتے یا پھر بچوں کو والدین سے خرید لیتے۔

سی بی آئی نے چھاپر مار کر دلی اور ہریانہ سے 3 نومولود بچے نیٹ ورک سے برآمد ہوئے ان بچوں کی عمریں 1 دن، 15 دن اور ایک نومولود بچی کی عمر محض ایک ماہ تھی،نیٹ ورک سروگیسی کے ذریعے پیدا ہونے والے بچوں کو فروخت کرتا ہے، ا یجنسی کے مطابق گینگ کے قبضے سے ساڑھے 5 لاکھ بھارتی روپے بھی برآمد ہوئے، 7 افراد کو حراست میں لے لیا گیا ہے۔

تحقیقات میں اس بات کا انکشاف ہوا ہے کہ اصل ماں باپ سے بچوں کو بطور رقم حاصل کیا جاتا ہے بچوں کی فروخت 4 سے 6 لاکھ بھارتی روپے میں کی جاتی ہے، یعنی ہر نومولود بچے کی قیمت 4 سے 5 لاکھ ہوتی ہے بھارتی انٹیلی جنس ایجنسی نے معاملے کے خلاف کرمنل کیس درج کر دیا ہے، جبکہ اس میں انڈین پینل کوڈ کی اور جووینئل جسٹس (کئیر اینڈ پروٹیکشن آف چلڈرن) ایکٹ 2015 کی دفعات شامل کی گئی ہیں۔