اردن کے مفتی اعظم احمد الحسنات نے کہا ہے کہ رمضان المبارک کے دوران طلاق کے رجسٹرڈ ہونے والے کیسز میں زیادہ تر کا سبب شوہر اور اہلیہ میں کھانے پینے کا اختلاف ہے۔
باغی ٹی وی: العربیہ اردو کے مطابق مفتی اعظم احمد الحسنات نے المملکہ ٹی وی کو دئیے گئے بیان میں کہا کہ ان کے پاس طلاق کے آنے والے کیسز میں کھانے کی کوالٹی، افطاری کی دعوتوں پر اختلافات اور کافی کا ایک کپ جیسی وجوہات سامنے آئیں یہ اختلاف گھریلو ناچاقی اور لڑائیوں کا باعث بن رہا ہے،ایک خوش آئند بات یہ ہے کہ اردن میں گزشتہ سال کے پہلے مہینوں کے مقابلے اس سال کے آغاز سے طلاق کے واقعات میں کمی آئی ہے، غزہ کے واقعات نے طلاق کی شرح پر مثبت اثر ڈالا، کیونکہ شوہروں نے جنگ زدہ غزہ کے مردوں، عورتوں، بوڑھوں اور بچوں کو قتل و غارت گری پر صبر کرتے ہوئے دیکھ کر صبرکرنا سیکھا ہے۔
