ٹھٹھہ سے درگاہ شاہ نورانی جانے والا زائرین سے بھرا ٹرک کھائی میں جاگرا، 21 افراد جاں بحق،33زخمی

حب میں ٹھٹھہ سے درگاہ شاہ نورانی جانے والا زائرین سے بھرا ٹرک کھائی میں جاگرا جس کے نتیجے میں 21افراد جاں بحق ہوگئے،33زخمی

پولیس کے مطابق ٹھٹھہ سے درگاہ شاہ نورانی جانے والے ٹرک کو حادثہ ویراب ندی عیاں پیر کے قریب پیش آیا جس کے نتیجے میں 21 افراد جاں بحق اور 33 سے زائد زخمی ہوگئے جبکہ ٹرک میں 100 سے زائد زائرین سوار تھے۔

ریسکیو حکام کا کہنا ہے کہ متعدد زخمیوں کی حالت تشویشناک ہے اور ہلاکتوں کا خدشہ ہے جبکہ زائئرین کا تعلق ٹھٹھہ سے ہے۔

کراچی سے ریسکیو کی متعدد چھوٹی بڑی گاڑیوں کو جائے حادثہ روانہ کیا گیا۔ ریسکیو ٹیموں کو کراچی سے ویراب ندی پہنچنے میں تقریبا دو سے ڈھائی گھنٹے کا وقت لگا۔

شاہ نورانی درگاہ کے اطراف کوئی بڑا ہسپتال نہیں ہے رورل ہیلتھ سینٹر موجود ہیں جو دفتری اوقات تک کھلے ہوتے ہیں اور رات کے وقت بند ہوجاتے ہیں۔

ریسکیو ذرائع کا کہنا ہے کہ ٹرک ویراب ندی کے قریب کھائی میں گرا ہے، وہاں دشوار گزار راستہ ہے،

واقعے کے بعد وزیراعلیٰ بلوچستان کی ہدایت پر 12 شدید زخمیوں کو سول ہسپتال کراچی منتقل کردیا گیا۔ دیگر زخمی حب کے سول ہسپتال میں زیر علاج ہیں۔