کراچی میں انسداد پولیو مہم کا آغاز ہوگیا،میئر کراچی مرتضیٰ وہاب نے انسداد پولیو مہم کا آغاز کیا-
باغی ٹی وی : میئر کراچی مرتضیٰ وہاب نےایس ایم بی فاطمہ جناح اسکول میں بچوں کو پولیو سے بچاؤ کے قطرے پلائے، اس موقع پر ڈی سی ساؤتھ الطاف ساریو بھی ان کے ہمراہ تھے اس موقع پر مرتضیٰ وہاب نے کہا کہ کراچی میں 18 لاکھ بچوں کو پولیو سے بچاؤ کے قطرے پلائے جائیں گے، والدین سے اس سلسلے میں تعاون کرنے کی ضرورت ہے، پولیو فری معاشرہ قائم کرنے میں اپنا کردار ادا کریں گے۔
انہوں نے کہا کہ جناح اسپتال کی جہاں تک مجھے اطلاعات ہیں وہاں مریض دور سے آتے ہیں،وہاں جو سہولتیں موجود نہیں اس کا علم مجھے نہیں، مجھے یہی اطلاعات ہیں کہ جناح اسپتال کی صورتحال ٹھیک ہے،جناح اسپتال میں ای سی جی مشینزاگر خراب ہیں تو سامنے ہی این آئی سی وی ڈی موجود ہے، پھر بھی ہیلتھ سیکرٹری سے بات کروں گا کہ وہ اس معاملے کو چیک کریں۔
