سینئر سیاست دان ملک عبدالمجید چنڑ دل کا دورہ پڑنے سے انتقال کر گئے

اوچ شریف، باغی ٹی وی (نامہ نگار حبیب خان)غریب اور مظلوم عوام کیلئے درد دل رکھنے والےسینئر سیاست دان ملک عبدالمجید چنڑ دل کا دورہ پڑنے سے انتقال کر گئے،

ملک عبدالمجید چنڑ ٹکٹ ہولڈر پی پی 253 پاکستان پیپلزپارٹی تھے، ان کی عمر57 سال تھی ان کی نمازجنازہ گذشتہ روز ہاکی اسٹیڈیم بہاول پور میں ادا کی گئی ،نماز جنازہ میں پاکستان پیپلزپارٹی کے عہدہ داران سمیت دیگر سیاسی شخصیات اور صحافیوں وکلاء اور ہزاروں عمائدین شہر نے کثیر تعداد کی شرکت کی،

ملک عبدالمجید کا بہاولپور کے سینئر سیاستدانوں میں شمار ہوتا تھا سٹی میں یونین کونسل کے ناظم بھی رہے ہیں اور گزشتہ الیکشن میں پاکستان پیپلز پارٹی کے ٹکٹ پر صوبائی اسمبلی حلقہ پی پی 253 میں الیکشن بھی لڑ چکے ہیں

ملک عبدالمجید چنڑ کے انتقال پر ہر آنکھ اشکبار تھی غریبوں کا میسحا کے نام سے مشہور تھے اور بڑے بڑے جاگیرداروں اوروقت کے فرعونوں کو نتھ ڈال رکھی تھی

بہاولپور کے تاریخی نماز جنازے میں ہر آنکھ اشکبار نظر آئی اور مرحوم کی بخشش کیلئے دعائیں کی گئی، ملک عبدالمجید چنڑ کے ایصال ثواب کیلئے بروز جمعہ کو قرآنی خوانی اور قل خوانی کا ختم شریف پڑھایا جائے گا،