حیدرآباد : سندھ کے وزیرِ اعلیٰ سید مراد علی شاہ نے کہا ہے کہ صوبے بھر میں صاف پانی کی فراہمی کے منصوبوں پر کام ہو رہا ہے-
باغی ٹی وی : حیدر آباد میں صوبائی کابینہ کے ارکان کے ساتھ پریس کانفرنس سے خطاب کرتے ہوئے سندھ کے وزیر اعلیٰ نے کہا کہ ترقیاتی منصوبے عوام کی امانت ہیں، بلاول بھٹو نے انتخابی مہم کے دوران 10 نکاتی ایجنڈا دیا تھا، یہ ایجنڈا پورے ملک کے لیے تھا، اہلِ سندھ نے پاکستان پیپلز پارٹی پر اپنا اعتماد برقرار رکھا ہے بلاول بھٹو کہتے ہیں کہ اب حکومت کو تجاویز کارکن دیں گے۔
سید مراد علی شاہ کا کہنا تھا کہ ہم 2022 کے سیلاب متاثرین کی بحالی کے لیے کام کر رہے ہیں، سندھ حکومت نے 21 لاکھ مکانات کی تعمیر کا مںصوبہ تیار کیا تھا، ان مکانات کی تعمیر کے لیے مکمل فنڈنگ کا انتظام ہوچکا ہے، صوبے بھر میں صاف پانی کی فراہمی کے منصوبوں پر کام ہو رہا ہے، اہلِ سندھ کو سیلاب سے محفوظ رکھنے کے منصوبوں پر بھی کام جاری ہے، مختلف اقدامات کیے جارہے ہیں، کراچی میں صحتِ عامہ سے متعلق سہولتوں کی فراہمی میں بہتری آئی ہے۔
وہاڑی میں سینکڑوں لڑکیوں کو بلیک میل کرنے کا بڑا جنسی اسکینڈل
سید مراد علی شاہ نے کہا کہ سندھ حکومت کسان کارڈ کے اجرا کی طرف جارہی ہے، عوام کو مفت بجلی کی فراہمی کے حوالے سے بھی کام کیا جارہا ہے، بلاول بھٹو نے 300 یونٹ تک بجلی مفت فراہم کرنے کا اعلان کیا تھا اس حوالے سے جلد بڑا اعلان ہوگا، تھر سے کوئلہ برآمد کرنے کے اقدامات بھی کیے جارہے ہیں، اکنامک زونز کے منصوبوں پر بھی کام تیزی سے جاری ہےانسداد منشیات کے لیے سخت مہم چلائی جارہی ہے، ایک سوال پر ان کا کہنا تھا کہ ایم کیو ایم سمیت ہر سیاسی جماعت سے اچھے تعلقات چاہتے ہیں، گور نر وفاق کا نمائندہ ہوتا ہے، گورنر کے تقرر کا اختیار وزیر اعظم کو حاصل ہے۔
