اسلام آباد: قومی اسمبلی میں اپوزیشن لیڈر اور پاکستان تحریک انصاف کے جنرل سیکرٹری عمرایوب نے سانحہ 9 مئی کی غیرجانبدارانہ ائکوائری کرانے اور آرمی پبلک اسکول حملے کی رپورٹ سامنے لانے کا مطالبہ کردیا –
باغی ٹی وی : قومی اسمبلی میں تقریر کرتے ہوئے پاکستان تحریک انصاف کے رہنما عمر ایوب نے کہا کہ عام انتخابات میں پی ٹی آئی کو عمران خان کا بیانیہ ملا، بانی پی ٹی آئی کا بیانیہ آج بچوں کی دل کی آواز ہے، مجھے عمران خان نے اپوزیشن لیڈر نامزد کیا، پی ٹی آئی کے بیانیے کو عام انتخابات میں ووٹ ملے۔
عمر ایوب نے کہا کہ صدر مملکت آصف زرداری کی سابقہ تقاریر کا بھی مطالعہ کیا، آصف زرداری کی موجودہ اور پچھلے ادوار کی تقریر ایک جیسی ہیں، صدر آصف زرداری کی تقریر میں زیادہ تر کٹ اینڈ پیسٹ تھا، پیپلزپارٹی مسلم لیگ (ن) کے ساتھ حکومت میں ہے بھی اور نہیں بھی ہے، پاکستان میں اس وقت صحیح جمہوریت کا فقدان ہے، تمام ادارے اپنے آئینی دائرے میں رہتے ہوئے کام کریں، اس وقت بھی میری تقریر میں رکاوٹ ڈالی جا رہی ہے۔
ڈالر کی قدر میں اضافہ
عمرایوب نے سانحہ 9 مئی کی غیرجانبدارانہ ائکوائری کرانے اور آرمی پبلک اسکول اور ایبٹ آباد کمیشن حملے کی رپورٹ سامنے لانے کا مطالبہ کرتے ہوئے کہا کہ 9 مئی کو ہمارے نوجوانوں کو شہید کیا گیا، جس پر تشدد ہوا اسی کو قصوروار ٹھہرایا جارہا ہے، 9 مئی کے حوالے سےغیرجانبدارانہ ائکوائری کمیشن بنایا جائے، کور کمانڈر ہاؤس اور دیگر انسٹالیشن کی سی سی ٹی وی فوٹیج سامنے آنی چاہیئے، 18 مارچ 2023 کی فوٹیج بھی غائب ہے، کمیشن کو تمام سی سی ٹی وی فوٹیجز تک رسائی بھی ملنی چاہیئے-
عمر ایوب نے کہا کہ جوڈیشل کمپلیکس کے سی سی ٹی وی کیمرے غائب ہوگئے، یہ سارے ثبوت کون اٹھاکرلے جارہا ہے،یہ توجرم ہے، 9 مئی 2023 بہانہ تھا، وزیراعظم عمران خان نشانہ تھا،یہ ایک پری پلان آپریشن تھا، جس کے خلاف یہ سارا آپریشن کیا گیا، نشانہ ہم سب تھے، یہاں شکار کو بننے والے ہی کو مورد الزام ٹھہرانے کی بات آجاتی ہے،عمران خان جیل میں تھے اور پولیس نے ان کے گھر میں بیڈروم کا دروازہ توڑا، بانی پی ٹی آئی کے گھر سے بچوں کی تصویریں پھاڑی گئیں ، ساری چیزیں توڑی گئیں ، بانی پی ٹی آئی کے گھر پر پولیس وارنٹ لے کر آتی ہے ہم وہاں پر موجود تھے ، بانی پی ٹی آئی نے کہا میں جا کر اپنا بیگ لاتا ہوں یہ گرفتار کرنے آئے ہیں میں جا رہا ہوں،5 اگست 2023 کو عمران خان کو گرفتار کیا جاتا ہے جج توشہ خانہ میں آرڈر پاس کرتے ہیں، پولیس 1 گھنٹے میں گرفتاری کیلئے پہنچ جاتی ہے ، اسکا مطلب ہے اسلام آباد پولیس کو پہلے سے معلوم تھا کہ عمران خان کو گرفتار کرنا ہے-
انہوں نے کہا کہ سیکریٹری داخلہ کو بلایا گیا، اس سے جوڈیشل کمپلیکس کے سی سی ٹی وی کیمرے غائب ہوگئے، مختلف معاملات کے ثبوت غائب ہوگئے، اس کے بارے میں پوچھا گیا تو اس نے کہا کہ مجھے تو پتا ہی نہیں،جس ملک میں قانون کی بالادستی نہیں ہوتی، باہر سے سرمایہ کاری نہیں آتی، ہماری عدالیہ میں کھلم کھلا مداخلت ہورہی ہے، ایک نوٹیفیکشن جاری ہوا، خواتین کی مخصوص نشستیں ڈی نوٹیفائی کردی گئیں۔
امریکا میں ڈانس پارٹی میں فائرنگ،3 افراد ہلاک ،15 زخمی
قومی اسمبلی میں قائد حزب اختلاف نے کہا کہ ڈی جی آئی ایس پی آر کی پریس کانفرنس کو مکمل طور پر مسترد کرتے ہیں، ان کی کی پریس کانفرنس سیاسی تھی، یہ پریس کانفرنس ہونی ہی نہیں چاہیئے تھی، جو لائن کراس کرے اس پہ آرٹیکل 6 لگتا ہے، تمام اداروں کے حدود آئین میں واضح ہیں، محمود الرحمن کمیشن اور اوجھڑی کیمپ کی رپورٹ سامنے آنی چاہیئے، تمام ادارے اپنے آئینی دائرے میں رہتے ہوئے کام کریں،انہو ں نے کہا کہ اسلام آباد ہائیکورٹ کے ججز نے اپنے خط میں نام لے کر کہا کہ انٹیلیجنس ایجنسی مداخلت کررہی ہے
انہوں نے کہا کہ فارم 47 میں 24 گھنٹے کے اندر اندر 80 ہزار کی لیڈ والوں کو ہرا یا گیا, نگراں وزیراعظم انوار الحق کاکڑ نے حنیف عباسی کو کہا کہ مجبور نہ کریں ورنہ فارم47 کا کچا چٹھا کھول دوں گا، جب بے نظیر بھٹو کو شہید گیا، اس کے بعد ہونے والے پرتشدد واقعات میں 2 ارب ڈالرز کا نقصان ہوا، کراچی میں تقصان کا تخمیہ 80 سے 90 ارب لگایا گیا بے نظیر کی شہادت کے بعد ٹرینوں کو نقصان پہنچایا گیا ، اور الزام آج ہم پر لگتا ہے، فرانس میں احتجاج کے دوران 1.1ارب ڈالر کا نقصان ہوا۔
یورپ کیلیے پروازوں کی بحالی بارےقیاس آرائیوں سے گریز کیا جائے،سول ایوی ایشن
عمر ایوب نے کہا کہ آج ڈاکٹر عثمان کے ماتحت غیر منظم فورس کام کررہی ہے ،کیا ڈاکٹر عثمان ٹاؤٹ نہیں؟ کیا گلو بٹ کہہ سکتے ہیں،نواز شریف نے توشہ خانہ سے گھڑی لی، نواز شریف نے توشہ خانہ سونے کی انگوٹھیاں لیں، پھر ان کے پلیٹ لیٹس گر جاتے ہیں، توشہ خانہ سے انناس بھی غائب ہو جاتا ہے-
