گوجرہ:زمین کے تنازعہ پر فائرنگ نوجوان قتل

گوجرہ،با غی ٹی وی( نا مہ نگار عبدالرحمن جٹ)نواحی گاؤں میں زمین کے تنازع پر نوجوان کو فائرنگ کر کے قتل کر دیا گیا۔

معلوم ہواہے کہ چک نمبر429ج ب کاعمران دکان کریانہ پر موجود تھاکہ گاؤں کاصفدر سلطان مسلح ہو کر آگیا جس نے آتے ہی اس پرفائرنگ کر دی جس کے نتیجہ میں وہ شدید زخمی ہو گیا جبکہ ملزم موقع سے فرارہو نے میں کامیاب ہو گیا۔

شدید زخمی کو فوری طور پر تحصیل ہیڈ کوارٹرہسپتال منتقل کیاگیاجہاں پر وہ شدید زخموں کی تاب نہ لاتے ہو ئے جاں بحق ہو گیا

اطلاوع ملنے پر تھانہ صدر پولیس نے نعش اپنی تحویل میں لے کر پوسٹ مارٹم کے بعد ورثاء کے حوالے کر دی۔وجہ عناد زمین کا تنازعہ بیان کیاجاتاہے۔پولیس مصروف کارروائی ہے