سیالکوٹ، باغی ٹی وی( بیوروچیف شاہد ریاض سے) ڈپٹی کمشنر محمد ذوالقرنین کی ہدایت پر آج اسسٹنٹ کمشنر سیالکوٹ انعم بابر نے علی الصبح نیو سبزی و فروٹ منڈی ایمن آباد روڈ کا دورہ کیا۔
اسسٹنٹ کمشنر نے سبزی منڈی میں ہونے والی بولی کے طریقہ کا جائزہ لیا اور کسان پلیٹ فارم کا بھی معائنہ کیا۔
اسسٹنٹ کمشنر انعم بابر نے موقع پر موجود سیکرٹری مارکیٹ کمیٹی عبداللہ ملک کو ہدایت کی کہ منڈی میں صفائی ستھرائی کے انتظامات اور کسانوں کو فراہم کی جانے والی سہولیات کو بہتر بنانے کیلئے فوری اقدامات کیے جائیں۔
اسسٹنٹ کمشنر انعم بابر نے سیکرٹری مارکیٹ کمیٹی سے منڈی میں جاری ترقیاتی کاموں اور انتظامی امور کے بارے میں استفسار کیا اور مسائل کے حل کیلئے ہدایات جاری کیں ۔
Leave a reply
