پیر کو علی الصبح ایک نایاب اور منفرد خلائی نظارہ کیا جا سکے گا

پیر کو علی الصبح ایک نایاب اور منفرد خلائی نظارہ کیا جا سکے گا-

باغی ٹی وی: 3 جون کو علی الصبح آپ 6 سیاروں کو آسمان پر دیکھ سکیں گے،عطارد، مریخ، مشتری، زحل، یورینس اور نیپچون ایک سیدھی لکیر میں نظر آئیں گے اور اس نظارے کے لیے پلانیٹ پریڈ کی اصطلاح استعمال کی جاتی ہے۔

ماہرین کے مطابق متعدد سیاروں کو ایک قطار میں دیکھنا ہمیشہ ایک خصوصی نظارہ ہوتا ہے اور اس سے ہمیں نظام شمسی کی خوبصورتی اور وسعت کا اندازہ ہوتا ہے،مریخ اور مشتری کو دوربین کے بغیر دیکھنا ممکن ہوگا، عطارد، یورینس، نیپچون اور زحل کو دیکھنے کے لیے دور بین یا ٹیلی اسکوپ کی ضرورت ہوگی،ماہرین کے مطابق وینس بھی اس لکیر میں موجود ہوگا مگر اسے دیکھنا ممکن نہیں ہوگا کیونکہ وہ سورج کے برابر میں ہوگا-

یورپ میں پی آئی اے کی پروازوں پر عائد پابندی بر قرار

ہر چند سال میں سیاروں کا اس طرح اکٹھے دیکھنے کا موقع ملتا ہے مگر ایک سیدھی لائن میں انہیں دیکھنے کا امکان بہت کم ہوتا ہےایسا مارچ 2023 میں ہوا تھا اور اس موقع پر عطارد، زہرہ، مریخ، مشتری اور یورینس کو دیکھا گیا تھا،علاوہ ازیں آپ 7 سیاروں کی قطار فروری 2025 کے آخر میں سورج غروب ہونے کے بعد دیکھ سکیں گے۔

پنجاب : انسداد پولیو مہم کا آغاز کل سے ہو گا