Ayesha Rehmani
کراچی:سندھ میں رواں سال ڈینگی سے پہلی ہلاکت سامنے آئی ہے ،نجی اسپتال میں ڈینگی سے متاثرہ 12 سالہ لڑکا دم توڑ گیا۔
باغی ٹی وی : محکمہ صحت سندھ کے مطابق کراچی کے نجی اسپتال میں 11 سالہ بچہ امیر حمزہ ڈینگی بخار میں مبتلا ہوکر دم توڑ گیا،رواں سال ڈینگی بخار کے سبب رپورٹ کی جانے والی یہ پہلی ہلاکت ہے،اسپتال ذرائع کے مطابق ڈینگی سے متاثرہ لڑکے کو تشویشناک حالت میں آج صبح ہی اسپتال لایا گیا تھا اس سے قبل یہ لڑکا کسی اور اسپتال میں تین دن سے زیر علاج تھا،پلیٹیلیٹس ختم ہونے کے باعث بچہ انتقال کر گیا۔
سندھ بھر میں رواں سال ڈینگی کے پانچ سو سے زائد کیسز رپورٹ کیے گئے ہیں،طبی ماہرین بھی شہریوں کو احتیاطی تدابیر اختیار کرنے کی ہدایت دے رہے ہیں، طبی ماہرین کا کہنا ہے کہ شہری پورے آستینوں کا لباس پہنیں،مچھر دانیوں اور مچھر کو دور رکھنے والے لوشن کا استعمال کریں اور گلی و محلے میں پانی بھی جمع نہ ہونے دیں۔
مسٹر بیسٹ کی بھارتی کمپنی کو شکست، یوٹیوب پر سب سے زیادہ سبسکرائبرز والے …
دسری جانب شہری شکوہ کرتے ہیں کہ شہر میں ڈینگی کے پھیلاؤ کے باوجود حکومت مچھر مار اسپرے مہم شروع نہیں کررہی۔
