لاہور: پنجاب کی سینئر وزیر مریم اورنگزیب نے کہا ہے کہ وزیر اعلیٰ مریم نواز نے صفائی آپریشن کی خود نگرانی کی۔
باغی ٹی وی : لاہور میں گفتگو کرتے ہوئے مریم اورنگزیب نے کہا کہ وزیر اعلیٰ نے وزیر لوکل گورنمنٹ ، سیکرٹری لوکل گورنمنٹ اور متعلقہ اداروں کے عملے کو بہترین کارکردگی پرشاباش دی ہے،بروقت آلائشیں ٹھکانےلگانے، صفائی ستھرائی کےلئے متعلقہ ٹیموں نے محنت سے کام کیا اداروں اور فیلڈ عملے نےعوامی خدمت کے جذبے سے کام کیا۔
انہوں نے کہا کہ لاہور ویسٹ مینجمنٹ کمپنی کے افسران اور عملےکی کارکردگی لائق تحسین ہے، سب اسی طرح مل کر کام کریں گے تو سب کو ’ستھرا پنجاب‘ نظر آئےگا،صوبے میں صفائی ستھرائی کےحوالے سے آج ایک نئی تاریخ لکھی گئی،عید الاضحیٰ کے دوسرے اور تیسرے دن بھی اسی جذبے سےکام کریں گے، شہریوں کو خدمات کی فراہمی پر سمجھوتہ نہیں ہوگا۔
