عمران خان کیخلاف درخواست دینے پر جی ٹی وی نے رپورٹر کو معطل کردیا

جی ٹی وی نے عمران خان کیخلاف درخواست دینے پر اپنے رپورٹر کو معطل کردیا

پنجاب حکومت کی جانب سے عمران خان کے خلاف سنگین دفعات کے تحت کاروائی کا عندیہ دیا گیا ہے، یہ کاروائی جی ٹی وی کے رپورٹر رئیس احمد کی درخواست پر کی جا رہی ہے، آج جی ٹی وی نے عمران خان کے خلاف درخواست دینے والے رپورٹر کو نوکری سے نکال دیا ہے

سماجی رابطے کی ویب سائٹ ٹویٹر پر جی ٹی وی کی جانب سے کہا گیا ہے کہ ” جی ٹی وی نیوز رئیس احمد خان کے غیر مجاز اور غیر ذمہ دارانہ اقدام کی سختی سے تردید کرتا ہے، جس نے سیاسی الزامات لگانے کے لیے ہمارے چینل کے ساتھ اپنی وابستگی کا غلط استعمال کیا،ہم اپنی ساکھ کا استحصال کرنے کی اس کوشش کی مذمت کرتے ہیں اور وسیع تحقیقات تک رئیس احمد کو معطل کر دیا ہے۔ جی ٹی وی نیوز دیانتداری، ذمہ داری اور قومی سالمیت کے اعلیٰ ترین معیارات کو برقرار رکھتے ہوئے اخلاقی صحافت کے لیے اپنی وابستگی میں ثابت قدم ہے،ہم اپنے اداروں اور اپنی مسلح افواج کا احترام کرتے ہیں جو ہماری قومی عزت اور خودمختاری کا بے لوث دفاع کرتے ہیں، ہم ان کے ساتھ غیر متزلزل کھڑے ہیں، ان کی قربانیوں کا احترام کرتے ہیں اور ان کی ساکھ کو مجروح کرنے کی کسی بھی کوشش کو مسترد کرتے ہیں

GTV News categorically disavows the unauthorized and irresponsible action of Raees Ahmed Khan, who misused his association with our channel to make political allegations. We condemn this egregious attempt to exploit our credibility and have suspended Raees pending a comprehensive…

— GTV News HD (@GTVNewsPk) July 4, 2024

سعید بلوچ کا کہنا تھا کہ سوال یہ ہے کہ جی ٹی وی کا رپورٹر ممکنہ شکایت کنندہ بن رہا ہے کہ خبر مئی کے آخری عشرے میں سامنے آ چکی تھی، آج چار جولائی ہے معطل کیا گیا ہے، جی ٹی وی انتظامیہ ڈیڑھ ماہ کیا کرتی رہی ہے؟ کیا اس بات کا انتظار کیا گیا کہ پہلے رپورٹر درخواست دے اس کے بعد اس پر کاروائی ہو؟ انتظامیہ نے اتنی تاخیر سے کاروائی کیوں کی فوراً ایکشن کیوں نہ لیا؟ یہ قربانی کا بکرا بنا کر خود کو بچانے کی کوشش کے سوا کچھ نہیں

سوال یہ ہے کہ جی ٹی وی کا رپورٹر ممکنہ شکایت کنندہ بن رہا ہے کہ خبر مئی کے آخری عشرے میں سامنے آ چکی تھی، آج چار جولائی ہے معطل کیا گیا ہے، جی ٹی وی انتظامیہ ڈیڑھ ماہ کیا کرتی رہی ہے؟ کیا اس بات کا انتظار کیا گیا کہ پہلے رپورٹر درخواست دے اس کے بعد اس پر کاروائی ہو؟ انتظامیہ نے… https://t.co/k71779Win2

— Saeed Baloch (@saeedimrankhan) July 4, 2024