لکی مروت،گولیاں چل گئیں، پولیس اہلکار ،دو بھانجوں سمیت قتل
![crime](https://baaghitv.com/wp-content/uploads/2024/06/crime-scene-unit.jpg)
خیبر پختونخوا کے ضلع لکی مروت میں نامعلوم ملزمان نے ایک کار پر فائرنگ کی ہے جس کے نتیجے میں 4 افراد کی موت ہو گئی ہے
اطلاع پر پولیس موقع پر پہنچ گئی، لاشوں کو پوسٹ مارٹم کے لئے ہسپتال منتقل کر دیا گیا، پولیس حکام کے مطابق لکی مروت میں کرم کرم ٹول پلازہ کے قریب کار پر گولیاں چلائی گئیں جس کے نتیجے میں پولیس اہلکار اور 3 بچوں کی موت ہو گئی ہیں، کار میں دو خواتین بھی سوار تھیں جو محفوظ رہیں،
جاں بحق اہلکار کی شناخت سابق ایم ٹی او لکی مروت پولیس سعد اللّٰہ خان تترخیل کے نام سے ہوئی ہے،جاں بحق ہونے والے بچے مقتول کے بھانجے تھے جن کی عمریں 8 سے 12 سال کے درمیان تھیں،سعد اللّٰہ خان تترخیل کی کار کو ٹارگٹ کر کے نشانہ بنایا گیا ہے، ملزمان فائرنگ کےبعد فرار ہو گئے،پولیس نے ملزمان کی گرفتاری کے لئے علاقے میں سرچ آپریشن شروع کر دیا ہے