اے این ایف کی کارروائیاں، 371 کلو سے زائد منشیات برآمد ،6 ملزمان گرفتار

اسلام آباد : مختلف شہروں میں اینٹی نارکوٹکس فورس ( اے این ایف) کی کارروائیاں جاری، 7 کارروائیوں کے دوران 371 کلو سے زائد منشیات برآمد کرکے 6 ملزمان کو گرفتار کرلیا گیا۔

باغی ٹی وی : ترجمان اے این ایف کے مطابق اسلام آباد ائیرپورٹ سے دبئی جانے والی 2 خواتین سے 4 کلو چرس برآمد کی گئی،جبکہ کوئٹہ میں کوریئر آفس میں نیوزی لینڈ بھیجے جانے والے پارسل سے 4 کلو آئس برآمد کی گئی ،مغربی بائی پاس کوئٹہ کے قریب گاڑی سے 720000 عدد نشہ آور گولیاں برآمد کرکے 2 ملزمان کو گرفتار کرلیا گیا-

ترجمان اے این ایف کے مطابق کراچی ائیرپورٹ سے بحرین جانے والے مسافر سے 3.8 کلو آئس برآمد کرلی گئی علاوہ ازیں ٹنڈو جام حیدرآباد کے قریب سے ملزم سے 6 کلو چرس برآمد کی گئی رنگ روڈ پشاور کے قریب گاڑی سے 50.4 کلو چرس برآمد ہوئی نادرا چوک طورخم کے قریب سے 22000 عدد نشہ آور گولیاں برآمد ہوئی ہیں، گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔