رہائی کے چند دن بعد پرویز الہیٰ پھر مشکل میں پھنس گئے

سابق وزیراعلیٰ پنجاب ،تحریک انصاف کے رہنما چودھری پرویز الہیٰ پھر مشکل میں پھنس گئے

پرویز الہیٰ کو اینٹی کرپشن نے طلب کر لیا، پرویز الہیٰ کو اینٹی کرپشن نے آج طلبی کا نوٹس جاری کیا ہے، پرویز الہیٰ کو میڈیا ہاؤسز کو غیرقانونی 2.4 ارب روپے جاری کرنے کے الزام میں طلب کیا گیا ہے، اینٹی کرپشن کی جانب سے جاری نوٹس میں کہا گیا ہے کہ پرویزالٰہی کو میڈیا کو اشتہارات کی مد میں رقم سے متعلق انکوائری میں طلب کیاگیا ہے، پرویزالٰہی تفتیش کیلئے اینٹی کرپشن لاہورآفس پیش ہوں تاہم پیش نہ ہونے پریکطرفہ کارروائی کی جائے گی۔

دوسری جانب پرویزالٰہی نے اینٹی کرپشن کا نوٹس وصول کرلیا اور لیگل ٹیم سے مشاورت جاری ہے ،پرویز الہیٰ اینٹی کرپشن میں پیش ہونگے یا نہیں وکلا سے مشاورت کے بعد ہی فیصلہ کیا جائے گا